الماتىدا تولە بي داڭعىلى مەن مۇراتباەۆ كوشەسىنىڭ قيىلىسىندا ورنالاسقان كەڭسە عيماراتىنىڭ جانىنان جارىق شۋىلدى گراناتا تابىلدى, دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
پوليتسيانىڭ مالىمەتىنە سايكەس, جوعارىدا اتالعان اۋماقتى ارالاپ جۇرگەن كۇزەتشى كەڭسە عيماراتىنىڭ جانىنان وق-ءدارى تاپقان. وقيعا ورنىنا قالانىڭ شۇعىل قىزمەتتەرى كەلىپ, ىرگەلەس ايماقتى قورشاۋعا الدى. كەيىننەن ساپەرلەر حابارلاعانداي, گراناتا تۇتاندىرعىشسىز جانە ادامدارعا قاۋىپ توندىرمەيتىنى بەلگىلى بولدى.
«المالى اۋداندىق پوليتسيا باسقارماسىنىڭ جەدەل-تەرگەۋ توبى توتەنشە جاعدايدىڭ ءمان-جايىن انىقتايدى. ايتا كەتەيىك, جارىق شۋىلدى وق-دارىلەر - بۇل ادامعا جارىق شۋىلدى جانە جارىقشاقتى اسەر ەتەتىن, ولىمگە اكەلمەيتىن ارنايى قۇرالدار بولىپ تابىلادى», دەپ حابارلادى پوليتسيادان.