ماسكەۋدىڭ بەلگورود وبلىسىندا وق-ءدارى قويماسى ورتەندى, دەپ حابارلايدى Egemen.kz تاسس اگەنتتىگىنە سىلتەمە جاساپ.
«شامامەن 03:35-تە مەن جارىلىس سياقتى قاتتى دىبىستان وياندىم. وسى حابارلامانى جازىپ جاتقانىمدا تاعى ءۇش جارىلىس بولدى», دەپ جازدى وبلىس گۋبەرناتورى ۆياچەسلاۆ گلادكوۆ Telegram ارناسىندا.
كەيىنىرەك گلادكوۆ ناقتىلاعانداي, الدىن الا مالىمەت بويىنشا, بەلگورود وبلىسىنداعى ستارايا نەليدوۆكا اۋىلىنىڭ ماڭىندا وق-ءدارى قويماسى ورتكە ورانعان.
«مەن گولوۆينسكي اۋىلدىق ەلدى مەكەنىنىڭ باسشىسى دەنيس زولوتۋحينمەن جاڭا عانا حابارلاستىم. الدىن الا مالىمەت بويىنشا, ستارايا نەليدوۆكا اۋىلىنىڭ ماڭىندا وق-ءدارى قويماسى ورتەنىپ جاتىر», دەپ جازدى ۆ. گلادكوۆ.
وبلىس گۋبەرناتورىنىڭ ايتۋىنشا, بەيبىت تۇرعىندار اراسىندا زارداپ شەككەندەر جوق. سونداي-اق تۇرعىن ۇيلەر مەن ۇيلەردىڭ قيراۋى تىركەلمەگەن.