جەرگىلىكتى تۇرعىن كاسپي تەڭىزىنىڭ جاعالاۋىندا ءولىپ جاتقان يتبالىقتاردى سۋرەتىن جاريالادى. ونىڭ ايتۋىنشا, قاراجاڭباس كەن ورنىنا قاراما-قارسى جاعالاۋدا 50-گە جۋىق ولەكسە جاتىر, دەپ حابارلايدى Egemen.kz.
قاراجاڭباس كەن ورىنى اقتاۋدان 230 شاقىرىم قاشىقتىقتا بۇزاۋشى تۇبەگىندە ورنالاسقان. سۋرەتتەردىڭ اۆتورى ناقتىلاپ وتكەندەي, سۇتقورەكتىلەر تەڭىز جاعالاۋىنا جاقىن كەنىشتىڭ سول جاعىندا قىرىلىپ جاتقان. تۇرعىننىڭ پايىمداۋىنشا, ولاردىڭ قىرىلۋىنا كاسپيدىڭ تايازدىعى سەبەپ بولعان سەكىلدى.
ماڭعىستاۋ وبلىسىنىڭ بالىق ينسپەكتسياسى باسقارماسى حابارلاعانداي, بۇزاۋشى جارتىلاي تۇبەگىنە ۆەدومستۆو قىزمەتكەرلەرى جىبەرىلدى.