شقو تۇرعىنى قارۋ مەن وق-دارىلەردى زاڭسىز ساقتاعانى انىقتالدى

ناۋرىز ايىنىڭ سوڭىندا ۇلان اۋداندىق سوتىنىڭ تەرگەۋ سۋدياسىنىڭ سانكتسياسىمەن تاۆريا اۋىلىنىڭ 34 جاستاعى تۇرعىنىنىڭ ۇيىنە ءتىنتۋ جۇرگىزۋ كەزىندە, ودان مىلتىق پەن ءارتۇرلى كاليبرلى پاتروندارعا ۇقساس زات تابىلدى.

ساراپتاما كورسەتكەندەي, تاركىلەنگەن قارۋ 1962 جىلى تۋلا قارۋ-جاراق زاۋىتىندا شىعارىلعان 5,6 مم كاليبرلى «توز-16» مىلتىعى ەكەنىن كورسەتتى. سونداي-اق ولاردىڭ ىشىندە 5,6 مم كاليبرلى 33 پاترون, 16 كاليبرلى 10  پاترون جانە 12 كاليبرلى ءبىر پاترون تابىلدى.

تەكسەرۋ كەزىندە پوليتسەيلەر ەر ادامنىڭ قارۋ يەسى رەتىندە تىركەلمەگەنىن انىقتاعان. سونداي-اق ارنايى بازادان تەكسەرۋ كەزىندە بۇل مىلتىق تىركەلگەن جانە قىلمىستىق قارۋ بازاسىندا بولماعان.

ۇلان اۋداندىق پب ءتارتىپ ساقشىلارى كۇدىكتىنى پوليتسيا بولىمىنە جەتكىزدى.

ۇستالعان ازاماتقا قاتىستى قر قك-ءنىڭ 287-بابى 3-بولىگى بويىنشا (قارۋدى, وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ, بەرۋ, وتكiزۋ, ساقتاۋ, تاسىمالداۋ نەمەسە الىپ ءجۇرۋ) بويىنشا قىلمىستىق ءىس قوزعالدى, ونىڭ سانكتسياسى 5 جىلعا دەيىن باس بوستاندىعىنان ايىرۋدى كوزدەيدى.

ايانا توعانبەك