اقتاۋدان لوندونعا اۋە رەيسى اشىلادى

Air Astana اۋە كومپانياسىنىڭ اقپاراتى بويىنشا اقتاۋ-لوندون باعىتى بويىنشا رەيس اپتاسىنا ەكى رەت (بەيسەنبى جانە سەنبى) ورىندالادى. رەيستەر A321 LR اۋە لاينەرىندە ورىندالادى.

«كس 901 رەيسى الماتىدان ساعات 10.45-تە ۇشىپ, اقتاۋعا ساعات 13.05-تە كەلەدى. اقتاۋ قالاسىنان لوندونعا ۇشۋ ساعات 14.05-تە, لوندونعا كەلۋ ساعات 16.50-دە. 18.05-تە كەرى ۇشۋ جانە 04.10-دا اقتاۋعا كەلۋ, 05.10-دا اقتاۋدان ۇشۋ جانە 09.00-دە الماتىعا كەلۋ رەيستەرى ورىندالادى. ەكى جاققا بيلەتتىڭ ەڭ تومەنگى قۇنى ەكونوم-كلاستا الىمداردى ەسەپكە العاندا 292 844 تەڭگەنى, بيزنەس-كلاستا 1 181 703 تەڭگەنى قۇرايدى», دەپ حابارلادى كومپانيا.

اۆياكومپانيالار ناقتىلاعانداي, ەندى قازاقستاننان ۇلىبريتانياعا رەيستەر اقتاۋ ارقىلى ورىندالادى.

ۇلىبريتانياعا كىرۋ ءۇشىن پتر سىناقتارى مەن ۆاكتسيناتسيا قاجەت ەمەس ەكەندىگى اتاپ ءوتىلدى. 31 مامىرعا دەيىن لوندوننان قازاقستانعا ۇشاتىن ەكونوم-كلاسس اكتسيونەرلەرىنىڭ تاريفتەرى قولجەتىمدى.

ايانا توعانبەك