ءبۇتىن تاريح كەيدە ءبىر جاپىراق قاعازعا سىيىپ كەتەدى. ءبىز نۇر-سۇلتان قالالىق ارحيۆىنە بارعان سايىن, قۇندى قۇجاتتاردى شولىپ وتىرىپ, الاساپىران كۇيگە تۇسەمىز. ءبارى قاتتاۋلى, ءبارى شىنايى. تەك سارعىش تارتقان پاراقتار ءۇنسىز, موپ-موماقان كۇيدە سىرىن جايىپ سالۋعا اسىق. سونداي ءبىر دالەلدى دۇنيە وسى جولى دا بەيجاي قالدىرمادى.
كوكتەمنىڭ ەكىنشى ايىندا الەم جۇرتى عارىشكەرلەر كۇنىن اتاپ وتۋگە اسىعادى. بۇل مەرەكە قازاق حالقىنان دا الىس ەمەس. ەسكى مۇراعاتتارعا ۇڭىلسەڭىز, اي بەتىندە اپتالاپ جاتقان قازاق عارىش ايلاعىنان قانات قاققان رۋحتى ازاماتتارىن كورەسىز. قالالىق ارحيۆتە عارىشكەرلەردىڭ اي ۇستىنەن جولداعان فوتوسۋرەتتەرى بار. وعان مەكەمە قىزمەتكەرلەرى ارنايى فوتوموزايكا جاساپ, جەكە گالەرەيا رەتىندە قۇراستىرىپ, استانا تۇرعىندارىنا ەمىن-ەركىن تاماشالاۋعا جول جاساپتى.
ء يا, عارىش – ءبىر جۇمباق الەم. بالا كۇنىندە عارىشكەر بولۋدى ارمانداماعان جان جوق شىعار. بايقوڭىردان ۇشقان اۋە زىمىراندارىن تەلەديداردان كورگەندە, سول بەلگىسىز مەكەنگە ءبىز دە بىرگە ساپارلاۋشى ەدىك. «جۇلدىزدap بىزگe عapىشتىڭ ۇلىلىعى مەن cۇلyلىعىن كوpceتeدى, oندa ءبىز عapىشتىڭ ماڭگىلىك caياحaتشىلapى ءوز جۇلدىزىمىزدى تaبyعa تىpىcaمىز», دەيدى اتاقتى ۇشقىش ۆaلeنتين Pىچكوۆ. وسى ءسوز راس-اۋ!
جالپى, الەمدە 180-نەن استام مەملەكەت بولسا, سولاردىڭ قاتارىندا عارىشقا ءوز پەرزەنتىن ۇشىرعان ەلدەر ساۋساقپەن سانارلىقتاي. الەمدە ءوز ۇلتىنان ءۇش نەمەسە ودان دا كوپ ازاماتى عارىشقا كوتەرىلگەن 9 عانا مەملەكەت بار. سونىڭ ىشىندە قازاق ۇلتىنىڭ, قازاق مەملەكەتىنىڭ ءباسى بيىك.
كەڭەس وداعى تۇسىندا اعا لەيتەنانت يۋري گاگارين باستاعان ۇلى ءىستى قازاق توپىراعىنان تۇلەپ ۇشقان اۋە باتىرلارى جالعادى. قازاقتان تۇڭعىش عارىشقا ۇشقان داڭقتى عارىشكەر توقتار اۋباكىروۆتىڭ ەسىمى بۇگىندە قازاق تاريحىندا التىن ارىپپەن جازىلدى. ول عارىشتا ءجۇرىپ, ارال ماسەلەسىن زەرتتەۋمەن اينالىستى. قانداي عاجاپ جاڭالىقتار اشتى. ودان كەيىن ەكىنشى عارىشكەرىمىز تالعات مۇساباەۆقا ءۇش رەت ۇشۋ باقىتى بۇيىردى. ونىڭ ەرلىگى گيننەستىڭ رەكوردتار كىتابىنا ەندى. ال تاۋەلسىزدىككە قول جەتكەننەن كەيىن ەل اتىنان ايدىن ايىمبەتوۆ بيىككە سامعادى. بۇل دا ۇلكەن جاڭالىق بولدى.
مىنە, وقىرمانعا ۇسىنىپ وتىرعان سۋرەتتەر جيىنتىعى سول ءداۋىردىڭ جاڭعىرىعى ىسپەتتى. ارمانشىل بالانىڭ قيالىنا قانات ءبىتىرىپ, ۇشقىش بولۋدى ماقسات تۇتقان وقۋشىنىڭ سەنىمىنە قۋات بەرەرى ءسوزسىز. فوتوموزايكانى جەكە-جەكە كورگىڭىز كەلسە, ەلوردانىڭ ارحيۆىنە بارىڭىز.