فوتو: كولىك مينيسترلىگى
جاڭا روبوتاكسي قىزمەتى باستاپقى كەزەڭدە پيلوتتىق رەجيمدە ىسكە قوسىلادى. جوبا قالاداعى ناقتى جاعدايلاردى ەسكەرە وتىرىپ كەزەڭ-كەزەڭىمەن كەڭەيتىلەدى. سونىمەن قاتار جۇيەدە تاۋلىك بويى ديسپەتچەرلىك بايلانىس جانە ساپارلاردى ساقتاندىرۋ قاراستىرىلعان.
پيلوتسىز كولىك جاساندى ينتەللەكتكە نەگىزدەلگەن اۆتونومدى باسقارۋ جۇيەسىمەن جابدىقتالعان. ول جول جاعدايىن ۇزدىكسىز باقىلاپ, قاۋىپسىز ارەكەت ەتۋ ستسەناريلەرىن قولدانادى.
بۇگىندە ەلىمىزدە روبوتاكسيلەردى زاڭداستىرۋ بويىنشا جۇمىستار جۇرگىزىلىپ جاتىر. كولىك مينيسترلىگى پيلوتسىز كولىكتەردى پايدالانۋ ەرەجەلەرىن ايقىندايتىن تۇزەتۋلەر ازىرلەپ جاتقاندىعىن مالىمدەدى.
روبوتاكسي جوبالارى ءۇشىن الماتى مەن استانا قالالارى نەگىزگى سىناق الاڭدارى رەتىندە قاراستىرىلىپ وتىر.
ەسكە سالا كەتەيىك, بۇعان دەيىن الماتى اسپانىندا اەروتاكسيلەر سىناقتاپ ءوتىپ جاتقاندىعىن جازعان بولاتىنبىز. بۇدان بولەك, ەندى ەلىمىزدەن توكيو مەن نيۋ-يورككە جاڭا رەيستەر قاتىناماق.
