قاراعاندى وبلىسى تۇرعىنىنىڭ كولىگىنەن كيىكتىڭ 844 ءمۇيىزى تاركىلەندى, دەپ حابارلايدى Egemen.kz «حابار 24» تەلەارناسىنا سىلتەمە جاساپ.
1992 جىلى تۋعان ازامات قازىر ۋاقىتشا ۇستاۋ يزولياتورىندا, ال مۇيىزدەر ساراپتاماعا جىبەرىلدى. ال قوستاناي وبلىسىندا جابايى قابان اتقان براكونەرلەر ۇستالدى. جالپى ەلدە سوڭعى 3 ايدا وسىنداي 31 قىلمىستىق ءىس قوزعالدى. سونىمەن قاتار 2507 اكىمشىلىك قۇقىق بۇزۋشىلىقتى انىقتالدى.
قازاقستاندا براكونەرلىك قىلمىس 6 جىلعا دەيىن باس بوستاندىعىنان ايىرۋ جازاسىن كوزدەيدى. تابيعات قورعاۋ ينسپەكتورلاردىڭ ايتۋىنشا, جازا قاتاڭ بولعانىمەن, قىلمىس تىيىلماي تۇر.