بۇگىن سەمەي قالاسىندا ۆولەيبولدان ايەلدەر اراسىندا كلۋبتىق ازيا چەمپيوناتى باستالادى, دەپ حابارلايدى Egemen.kz.
شقو اقپارات ورتالىعىنىڭ مالىمەتىنشە, ءتۋرنيردى قازاقستان رەسپۋبليكاسىنىڭ ۆولەيبول فەدەراتسياسى, وبلىستىق دەنە شىنىقتىرۋ جانە سپورت باسقارماسى مەن «التاي» ۆولەيبول كلۋبى ۇيىمداستىرىپ جاتىر.
«سايىس قاراعايلى شاعىن اۋدانىنداعى «ارەنا» مادەني-سپورت كەشەنىندە وتەدى. وعان ايەلدەر اراسىنداعى ۆولەيبولدان سارى قۇرلىقتىڭ ەڭ ۇزدىك 6 كومانداسى قاتىسپاق. چەمپيونات اياسىندا قازاقستان, جاپونيا, تايلاند, وزبەكستان جانە يران ەلدەرىنىڭ كوماندالارى باق سىنايدى. ەل نامىسىن شىعىسقازاقستاندىق «التاي» جانە سولتۇستىك قازاقستان وبلىسىنىڭ «قۋانىش» كلۋبتارى قورعايدى», دەلىنگەن مالىمەتتە.
چەمپيونات 1 مامىرعا دەيىن سوزىلادى. كىرۋ تەگىن. العاشقى ويىن تايلاند پەن وزبەكستان قۇرامالارى اراسىندا وتەدى.