دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق باقىلاۋ كوميتەتى توراعاسىنىڭ ورىنباسارى لاۋرا احمەتنيازوۆا قازاقستانداعى ناۋقاستاردى قولداۋ قىزمەتىنىڭ جۇمىسى تۋرالى ايتتى, دەپ حابارلايدى Egemen.kz.
مامان مۇنداي پاتسيەنتتەردى قولداۋ قىزمەتتەرىنىڭ ەلىمىزدە 10 جىلدان استام جۇمىس ىستەپ كەلە جاتقانىن اتاپ ءوتتى. ولاردىڭ مىندەتى بارلىق ماسەلەلەردى نەمەسە مۇمكىن بولاتىن جانجالدى جاعدايلاردى تۋىنداعان جەردە شەشۋ بولىپ تابىلادى.
«سوڭعى ءبىر جىلدا 4 مىڭنان استام ءوتىنىش قارالدى. 2020 جىلى شامامەن بىردەي دەڭگەيدە. وتىنىشتەردىڭ نەگىزدىلىگى 30% قۇرايدى. وكىنىشكە قاراي, ەڭ كوپ ۇلەستى ساپاسىز مەديتسينالىق كومەككە وتىنىشتەر الادى – 70%», دەدى لاۋرا احمەتنيازوۆا.
ونىڭ ايتۋىنشا, قور پاتسيەنتتەردى قولداۋ قىزمەتىنىڭ تيىمدىلىگىنە باسا نازار اۋدارىپ, ساياسات سىرتقى باقىلاۋدى بارىنشا ازايتۋعا باعىتتالعان. ويتكەنى مەديتسينالىق ۇيىمنىڭ ءبىرىنشى مىندەتى مەديتسينالىق كومەكتىڭ ساپاسىن ارتتىرۋعا باعىتتالۋى ءتيىس.