كالەيدوسكوپ

كەيدە ادامنىڭ وي كەڭىس­تىگى جەر-الەمنەن دە ۇلكەن سياقتى كورىنەدى. ماسەلەن, تاڭعى كوفەڭدى ءىشىپ وتىرىپ, سورەدەگى گۇلگە سۋ قۇيۋ كەرەكتىگىنەن باستاپ قيراعان ماريۋپولگە دەيىن ويشا ءبىر شولىپ شىعاسىڭ: نازىكتىك پەن قاتىگەزدىك.

تاعى نە ويلادىق؟...

استاناعا كوكتەم كەلدى

ادامنىڭ كوڭىل كۇيىنە بەلگىلى ءبىر دەڭ­گەيدە اۋا رايى دا اسەر ەتەدى. التى اي قىستان سوڭ استاناعا دا كوك­تەم كەلدى. كوكتەمنىڭ العاشقى جاڭبىرى جاۋدى. ارقا توسىندەگى حالىق ءۇشىن بۇل – ۇلكەن قۋانىش. كەش­قۇرىم سەرۋەنگە شىعىپ, كۇننىڭ جىلىعانىن سەزۋ, كوكتەمنىڭ ءيىسىن يىسكەۋ – بولماشى بولسا دا باقىت. ارينە, بۇل كۇيدى تەك استانالىقتار تۇسىنەدى. قازاق ءوزى كەز كەلگەن جاقسىلىققا قۇتتى بولسىن ايتقاندى, سۇيىنشىلەگەندى جاق­سى كورەتىن حالىق قوي. ال كوكتەم قۇتتى بولسىن, استانالىقتار.

قازاقشا كينونى قالاي كورەمىز؟

رەسەيگە قاتىستى ەنگى­زىل­گەن سانكتسيالاردان كەيىن ەلى­مىزدىڭ كينوتەاترلارىندا گولليۆۋد فيلمدەرى كورسە­تىلمەي قالۋى مۇمكىن. وسىعان بايلانىستى مادە­نيەت جانە سپورت ءمي­نيس­ترى داۋرەن اباەۆ قازىر شەتەلدىك كومپانيالارمەن بار­لىق قاجەتتى كەلىسسوزدەر جۇرگىزىلىپ جاتقانىن ايتقان ەدى. ياعني الداعى ۋاقىتتا شەتەلدىك كومپانيالار كي­نو­ونىمدەرىن قازاقستانعا تىكەلەي بەرەتىن بولادى. وسى تاقىرىپتىڭ اياسىندا قوعامدا قازاقتىلدى دۋبلياج ماسەلەسى دە قوزعالا باس­تا­دى. كينوتانۋشىلار مەن رەجيسسەرلەر وتاندىق پرو­كاتقا ەنەتىن كەز كەلگەن فيلم تەك قازاقشا سۋبتيتر­مەن بەرىلىپ قانا قويماي, قازاق تىلىندە دۋبلياجدالۋىن دا تالاپ ەتۋدە. قۇپتارلىق وي. الايدا ونىڭ ساپاسى سىن كوتەرە مە؟ ماسەلەن, قا­زىر كينوتەاترعا بارساڭىز, شەتەلدىك ءفيلم­نىڭ قازاقشا ءسۋبتيترىن وقىپ وتىرىپ, كۇلەسىڭ. قاتە كوپ. ال تەلەارنالاردا كورسەتىلەتىن قازاق تىلىنە دۋبلياجدالعان شە­تەل­دىك فيلمدەردى كورۋ ءتىپتى مۇمكىن ەمەس. وسىدان سوڭ كينوتەاترلارداعى فيلم­دەر قازاقشا دىبىستالاتىن بولسا, ول سەانسقا قانشا كورەر­مەن بارادى ەكەن؟..

ادام دا ءار نارسەنى ءبىر ويلاي بەرەدى ەكەن عوي. ايت­پاقشى, جاپونيادا ساكۋرا گۇلدەدى...