اتىراۋ وبلىسىنىڭ اكىمدىگى كۇندەلىكتى تۇتىناتىن ازىق-ت ۇلىكپەن قامتۋدى باستى نازارعا الدى. وبلىس اكىمىنىڭ ورىنباسارى قايرات نۇرلىباەۆتىڭ ايتۋىنشا, جىل سوڭىنا دەيىن «ازىق-ت ۇلىك كەلىسىمشارت كورپوراتسياسى» اق اراسىنداعى كەلىسىمگە سايكەس «جەلاەۆ نان ونىمدەرى كومبيناتى» ارقىلى ناۋبايحانالارعا ءبىرىنشى سۇرىپتى ۇننىڭ 2 مىڭ تونناسى جەتكىزىلەدى.
– جاقىندا «جەلاەۆ نان ونىمدەرى كومبيناتى» جشس-نىڭ باسشىلىعىمەن اتىراۋ وبلىسىنا ءبىرىنشى سۇرىپتى ۇندى تۇراقتى جەتكىزۋ جونىندە كەلىسىم جاسالدى. بۇل كاسىپورىن بۇعان دەيىن دە ءبىرىنشى سۇرىپتى ۇندى تومەن باعامەن بەرىپ كەلگەن. الداعى ۋاقىتتا اتىراۋعا جەرگىلىكتى كاسىپكەرلەر مەن «اتىراۋ» اكك» اق ارقىلى الەۋمەتتىك ماڭىزى بار ۇن, كۇنباعىس مايى سەكىلدى ونىمدەر ەش كەدەرگىسىز تاسىمالدانادى, – دەيدى ق.نۇرلىباەۆ.
قازىر ءبىرىنشى سۇرىپتى ۇننان پىسىرىلگەن نان باعاسى «داۋلەت نان» جشس-نىڭ ساۋدا نۇكتەلەرىندە 90 تەڭگەدەن ساتىلىپ جاتىر. ال كۇنباعىس مايىن ورال قالاسىنداعى «بەلەس-اگرو» كاسىپورنىنان قاجەتىنە قاراي 200 تونناعا جۋىق كولەمدە ساتىپ الۋ ءۇشىن كەلىسىم جاسالىپ وتىر. سونداي-اق الەۋمەتتىك ماڭىزى بار ازىق-ت ۇلىك تاۋارلارىمەن قامتۋ, باعاسىن تۇراقتاندىرۋ ءۇشىن وزگە وڭىرلەرمەن, جاقىن شەتەلدەرمەن ءتيىستى جۇمىستار ۇيىمداستىرىلىپ جاتىر.