قازاقستاندىق, الەمنىڭ 51-راكەتكاسى يۋليا پۋتينتسەۆا ىستانبۇل WTA 250 ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
قازاقستاندىق تەننيسشى باستاپقى كەزدەسۋىن الەمنىڭ 57-راكەتكاسى, پولشا وكىلى ماگدا لينەتپەن وتكىزدى. بۇعان دەيىن قارسىلاستار ءوزارا بەس رەت كەزدەسىپ, سونىڭ تورتەۋىندە م.لينەتت جەڭگەن ەدى. بۇل جولى ءبىرىنشى پارتيادا پۋتينتسەۆا 4:1 ەسەبىمەن العا ۇزادى. پولياك قىزى دا قالىسپاي, تارازى باسىن تەڭەستىرگەنىمەن, قازاقستاندىق تەننيسشى تاي-برەيكتە ءساتتى وينادى. ەسەپ 7:6 (8:6). ەكىنشى سەتتە يۋليا 6:4 ەسەبىمەن باسىم ءتۇستى.
ەكى ساعات 8 مينۋتقا سوزىلعان تارتىستى ماتچتا پۋتينتسەۆا 1 ەيسپەن بىرگە 9 برەيك-پوينتتىڭ بەسەۋىن پايدالانا ءبىلدى. يۋليا جۇلدە قورى 239 477 اقش دوللارىنا باعالانعان جارىستىڭ شيرەك فينالىنا شىعۋ ءۇشىن الەمنىڭ 76-راكەتكاسى, شۆەتسيالىق رەبەككا پەتەرسونمەن سايىسقا تۇسەدى.