شقو بويىنشا مەملەكەتتىك كىرىستەر دەپارتامەنتىنىڭ قىزمەتكەرلەرى ايماقتاعى ەكونوميكالىق تەرگەۋ دەپارتامەنتىنىڭ قىزمەتكەرلەرىمەن بىرگە وسكەمەن قالاسىندا الكوگول ءونىمىن زاڭسىز ءوندىرۋ دەرەگىن انىقتادى, دەپ حابارلادى Egemen.kz.
«تەكسەرۋ بارىسىندا 2 145 دانا «تۇركىستان» كونياگى, 12 945 كونياك بۇيىمدارى, 620 دانا «وشا» اراعى, 4 000 بوس شىنى بوتەلكەلەر ىدىسى, 15 000 اراق قالپاقشالارى, قاقپاقتاردى مورلەۋگە ارنالعان 2 قۇرىلعى, سورعى مەن شلانگتارعا قوسىلعان 500 ليتردەن استام ءسپيرتى بار پلاستيكالىق ىدىس تابىلدى. اتالعان دەرەك بويىنشا قىلمىستىق ءىس قوزعالدى. سونداي-اق اكىمشىلىك ءىس قوزعاۋ ماسەلەسى قاراستىرىلۋدا», دەلىنگەن اقپاراتتا.