شىعىس قازاقستان وبلىسىنىڭ اكىمى دانيال احمەتوۆ ەلدى مەكەندەردى ينتەرنەتپەن قامتاماسىز ەتۋ ماسەلەسى بويىنشا جينالىس وتكىزدى, دەپ حابارلايدى Egemen.kz.
«تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن 41 انتەننا-دىڭگەك ورناتۋ تۋرالى كەلىسىمگە قول جەتكىزدىك. وكىنىشكە قاراي, ۇيالى بايلانىس وپەراتورلارى وتكەن جىلعى ۋادەلەرىن تولىق ورىنداماعان. مىسالى, «موبايل سەرۆيس» وپەراتورى ينتەرنەتتى 33 اۋىلعا تارتۋى ءتيىس بولدى. بىراق ءىس جۇزىندە تەك جەتەۋىنە تارتقان. «سكارتەل» وپەراتورى 29 اۋىلعا عالامتور تارتۋدى جوسپارلاسا, تەك 13-ىنە قوستى. بۇل بايلانىس وپەراتورلارىنىڭ ۇلكەن كەمشىلىگى», دەدى ايماق باسشىسى.
ونىڭ ايتۋىنشا, قازىرگى ۋاقىتتا وڭىردە انتەننا-دىڭگەكتەر ورناتىلاتىن اۋماقتار انىقتالعان. جوبالىق-سمەتالىق قۇجاتتاما دا دايىن.
«2022 جىلى وبلىستىڭ جۇزدەن استام اۋىلىنا ينتەرنەت تاراتىلۋى ءتيىس. بۇل جۇمىستاردى باقىلايتىن تۇراقتى كوميسسيا قۇرىلدى», دەدى د. احمەتوۆ.
ايانا توعانبەك