قاراعاندىداعى تۇرعىن ءۇيدىڭ ەكىنشى قاباتتاعى تەرەزەسىنەن ءتورت جاسار بالا قۇلاپ كەتتى. ءتۇرلى دەنە جاراقاتتارىن العان بالا اۋرۋحاناعا جاتقىزىلدى, دەپ حابارلايدى Egemen.kz.
وبلىستىق تج دەپارتامەنتىنىڭ قۇتقارۋشىلارى جازاتايىم وقيعا قاراعاندىداعى قۇرىلىسشىلار داڭعىلىندا ورنالاسقان ۇيدە ورىن العانىن ايتادى.
«تۇستەن كەيىن ەرەسەكتەردىڭ قاراۋىنسىز قالعان بالا 9 قاباتتى تۇرعىن ءۇيدىڭ ەكىنشى قاباتىنداعى تەرەزەدەن قۇلاپ كەتتى. 2017 جىلى تۋعان بالا اۋرۋحاناعا جاتقىزىلدى», دەيدى وبلىستىق تجد ءباسپاسوز قىزمەتى.
قۇتقارۋشىلار بۇنداي جاعدايلاردىڭ كوپشىلىگى اتا-انالار بالالارىن قاراۋسىز قالدىرعان كەزدە ورىن الاتىنىن ەسكە سالادى.