شىمكەنت تۇرعىنى اۆتوسالوننان 28 ملن تەڭگە تۇراتىن كولىكتى زاڭسىز ايداپ كەتتى, دەپ حابارلايدى Egemen.kz Polisia.kz سايتىنا سىلتەمە جاساپ.
ناۋرىز ايىنىڭ سوڭىندا جەرگىلىكتى اۆتوسالوننىڭ اكىمشىلىگى تەكسەرۋ كەزىندە اۆتوكولىكتەردىڭ ءبىرىنىڭ جوعالعانىن انىقتاعان. شىعىن سوماسى 28 ملن تەڭگەنى قۇرادى. وقيعا تۋرالى جۇمىسشىلار دەرەۋ پوليتسياعا حابارلاعان.
حابارلاما سدتتبت-نە قر قك-ءنىڭ 200-بابى بويىنشا تىركەلدى.
پوليتسەيلەر كولىكتى ايداپ كەتكەن تۇلعانى انىقتاۋ ماقساتىندا بىرقاتار جەدەل ءىس-شارالار وتكىزدى. كريمينالدىق پوليتسيا قىزمەتكەرلەرى اۆتوسالون جۇمىسشىلارى مەن كۋاگەر بولۋى مۇمكىن ازاماتتاردان سۇراستىرۋ جۇمىستارىن جۇرگىزدى.
جەدەل باسقارۋ ورتالىعىنىڭ ينسپەكتورلارى كوشەلەردىڭ بويىندا ورناتىلعان بەينەباقىلاۋ كامەرالارىن تەكسەردى. ناتيجەسىندە, ءتارتىپ ساقشىلارى ەكى ساعات ىشىندە بايدىبەك بي كوشەسىندە ۇرلانعان اۆتوكولىكتى انىقتادى. جبو قىزمەتكەرلەرى پاترۋلدىك پوليتسەيلەرگە كولىكتىڭ تۇرعان جەرى تۋرالى دەرەۋ حابارلادى. كولىك قۇرالىن زاڭسىز يەلەنگەن ازامات ۇستالدى.
اۆتوكولىك سالونعا قايتارىلدى. قازىرگى تاڭدا ءىس ايىپتاۋ اكتىسىمەن سوتقا جولداندى.
ايتا كەتەيىك, قىلمىستىق كودەكسكە سايكەس اتالعان قۇقىق بۇزۋشىلىق 1000 اەك-كە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە 600 ساعاتقا دەيىنگى مەرزىمگە قوعامدىق جۇمىستارعا تارتۋعا نە 2 جىلعا دەيiنگi مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا اكەلەدى.
ايانا توعانبەك