الماتى پوليتسەيلەرى اقشا ايىرباستاۋ پۋنكتىنىڭ كليەنتتەرىنە جاسالعان توناۋدى اشكەرەلەدى, دەپ حابارلايدى Egemen.kz Polisia.kz سايتىنا سىلتەمە جاساپ.
جەتىسۋ-4 شاعىناۋدانىنداعى اقشا ايىرباستاۋ پۋنكتىندە قاراقشىلىق شابۋىل جاسالدى.
«بەلگىسىز بىرەۋلەر ۆاليۋتا ايىرباستاۋ پۋنكتىنەن شىعىپ بارا جاتقان ەرلى-زايىپتىلارعا شابۋىل جاساعان. توناۋ كەزىندە ولاردىڭ ريۋكزاكتارى بوس بولعان. بىراق شابۋىلداۋشى باسقاشا ويلادى. ول تراۆماتيكالىق تاپانشادان ەرلى-زايىپتىلارعا وق اتقان. ابىروي بولعاندا, ەر مەن ايەلدىڭ ءومىرى مەن دەنساۋلىعىنا ەشقانداي قاۋىپ ءتونىپ تۇرعان جوق. ال بۇل ۋاقىتتا شابۋىلداۋشىنى ارنايى تەرگەۋ-جەدەل توبى ىزدەستىرگەن.
كۇدىكتى جامبىل وبلىسىنىڭ 40 جاستاعى تۇرعىنى بولىپ شىقتى. ول جامبىل وبلىسى اۋىلدارىنىڭ بىرىندە ۇستالدى. قازىر ول الماتىعا اۋىستىرىلىپ, قاماۋعا الىندى. قاراقشىلىق شابۋىل دەرەگى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە قىلمىستىق ءىس تىركەلدى. تەرگەۋ جالعاسىپ جاتىر», دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ابىلقايىر.