قر ءىىم ەسىرتكى قىلمىسىنا قارسى ءىس-قيمىل دەپارتامەنتى قىزىلوردالىق ارىپتەستەرىمەن بىرلەسىپ سينتەتيكا وندىرەتىن ەسىرتكى زەرتحاناسىن انىقتادى, دەپ حابارلايدى Egemen.kz.
قر ءىىم ءباسپاسوز قىزمەتىنىڭ حابارلاۋىنشا, جەدەل اقپاراتتى تەكسەرۋ بارىسىندا قىلمىستىق وندىرىستە كۇدىكتى بولعان جەرگىلىكتى تۇرعىنعا باقىلاۋ جۇرگىزىلە باستاعان. بۇل ونى تۇرمىستىق حيميا قاپتاماسىنا جاسىرىلعان, ىشىندە سينتەتيكالىق ەسىرتكىسى مەن سۇيىقتىعى بار سالەمدەمەنى الىپ جاتقان جەرىنەن ۇستاۋعا مۇمكىندىك بەردى.
«كۇدىكتىنىڭ پاتەرىن ءتىنتۋ كەزىندە ەسىرتكىنى ءوندىرۋ فاكتىسىن دالەلدەيتىن ەسىرتكى زاتتارىنىڭ قالدىقتارى بار ىدىس-اياق, ەلەكتروندى تارازىلار, بوياعىشتار, جەكە قورعانىس قۇرالدارى تابىلدى. ونىڭ تەلەفونىنىڭ ىشىندەگى اقپاراتتى زەرتتەگەننەن كەيىن پوليتسيا قىزمەتكەرلەرى ەسىرتكى جاسىرىلعان 13 جەردى انىقتادى. ىشىندە سينتەتيكالىق ەسىرتىكىسى بار 21 ءتۇيىر تاركىلەندى», دەيدى قر ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ مىندەتىن اتقارۋشى اسقار مۇحامەتقاليەۆ.
ول بۇل ەسىرتكىلەردى مەسسەندجەرلەر ارقىلى ساتقان, تولەمدى اقشا اعىندارىن باقىلاۋ قيىن بولۋ ءۇشىن كريپتوۆاليۋتامەن الىپ وتىرعان.