ۇلتتىق بانكتىڭ اقشا-كرەديت ساياساتى دەپارتامەنتى ناقتى سەكتور مونيتورينگى باسقارماسىنىڭ باستىعى يگور وسيپوۆ قازاقستان وڭىرلەرىندەگى ينفلياتسيالىق ۇردىستەر تۋرالى ايتىپ بەردى, دەپ حابارلايدى Egemen.kz.
«2022 جىلعى ناۋرىزدا ەلدە جىلدىق ينفلياتسيا 12%-دى (اقپاندا - 8,7%) قۇرادى. وڭىرلەر بولىنىسىندە جىلدىق ينفلياتسيا بارلىق 17 وڭىردە جەدەلدەدى», دەدى ي. وسيپوۆ.
ونىڭ مالىمەتىنشە, ەڭ جوعارى جەدەلدەتۋ اقتوبە وبلىسىندا (اقپان ايىندا 9%-دان ناۋرىز ايىندا 12,9%-عا دەيىن) جانە شىمكەنتتە (8,5%-دان 12,4%-عا دەيىن) تىركەلگەن.
«ناۋرىزدا ازىق-ت ۇلىك تاۋارلارى باعاسىنىڭ ءوسۋ قارقىنى 15,4%-عا دەيىن ءوستى (اقپاندا - 10%). وسى توپتىڭ تاۋارلارى باعاسىنىڭ ەڭ جوعارى ءوسۋى اقتوبە وبلىسىندا قالىپتاستى (18,5%). ازىق-ت ۇلىك ەمەس تاۋارلار باعاسىنىڭ ءوسۋ قارقىنى دا 10,9%-عا دەيىن ءوستى (اقپاندا - 8,6%). ەڭ جوعارعى ءمانى اقمولا وبلىسىندا (12,4%), ال ەڭ تومەنگى ءمانى باتىس قازاقستان وبلىسىندا (9,2%) تىركەلگەن», دەپ قوستى ول.