«وزەنينۆەست» كوممۋنالدىق كاسىپورنىنىڭ حابارلاۋىنشا, جازدا تۇرعىنداردى اۋىز سۋمەن ۇزدىكسىز قامتاماسىز ەتۋگە سۋ قورى جەتكىلىكسىز.
«جاڭاوزەندە جانە وعان ىرگەلەس ەلدى مەكەندەردە سۋ تۇتىنۋدىڭ كۇرت ارتۋىنا بايلانىستى 18 ساۋىردەن باستاپ جانە كەلەسى مامىر, ماۋسىم, شىلدە جانە تامىز ايىندا اۋىز سۋ كەستە بويىنشا بەرىلەدى», دەپ حابارلادى كومپانيا.
كومپانيا سونداي-اق سۋدى ۇتىمدى پايدالانۋعا شاقىردى. جەكە تۇرعىن ۇيلەردەگى باقشانى سۋارۋ ءۇشىن تامشىلاتىپ سۋارۋ ءادىسىن قولدانۋ ۇسىنىلدى, ول سۋدى ۇنەمدەيدى. سونداي-اق قۇدىق نەمەسە سۋ تولتىراتىن ىدىسى بولعانى ءجون.
ال بۇل ماسەلە توقماقتان, كەندىرلى دەمالىس ايماعىنان ماگيسترالدىق سۋ قۇبىرى ارقىلى جاڭاوزەن قالاسىنا دەيىن قۋاتى تاۋلىگىنە 50 مىڭ تەكشە مەتر تۇششىلاندىرۋ قوندىرعىسىنىڭ قۇرىلىسى اياقتالعاننان كەيىن تولىق شەشىلەدى. زاۋىتتى ىسكە قوسۋ 2024 جىلدىڭ ءتورتىنشى توقسانىنا جوسپارلانعان.
ايانا توعانبەك