16 ساۋىردە ەنەرگەتيكا ءمينيسترى بولات اقشولاقوۆ سولتۇستىك قازاقستان وبلىسىنا جۇمىس ساپارىمەن باردى, دەپ حابارلايدى Egemen.kz.
ساپار بارىسىندا ەنەرگەتيكا مينيسترلىگىنىڭ, سولتۇستىك قازاقستان وبلىسى (سقو) اكىمدىگىنىڭ وكىلدەرى پەتروپاۆل جەو-دا بولىپ, ەنەرگەتيكالىق كەشەننىڭ قازىرگى جاعدايىمەن تانىسىپ, ستانتسيانى ارالاپ شىقتى.جىلۋ ورتالىعىن ارالاعاننان كەيىن مينيسترلىك, وبلىس اكىمدىگى, ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى وكىلدەرىنىڭ جانە ستانتسيا باسشىلىعىنىڭ قاتىسۋىمەن پەتروپاۆل جەو جۇمىسىن قالىپىنا كەلتىرۋ ماسەلەلەرى بويىنشا كەڭەس ءوتتى.كەڭەس اياسىندا 2021 جىلى جۇرگىزىلگەن كۇردەلى جوندەۋ كولەمدەرىنىڭ, اپاتتىق ايالدامالاردىڭ وزەكتى ماسەلەلەرى, جەو-نىڭ الداعى جىلىتۋ ماۋسىمىنا ۋاقىتىلى, ساپالى دايىندىق تاۋەكەلدەرى تالقىلاندى.
ەنەرگەتيكا مينيسترلىگى اۆاريالىق وقيعادان كەيىن تەحنيكالىق جاعدايعا باعالاۋ جۇرگىزۋ ءۇشىن پەتروپاۆل جەو-عا تاۋەلسىز ساراپتاما كوميسسياسىن جىبەردى, ونىڭ قورىتىندىسى بويىنشا پەتروپاۆل جەو-2 جۇمىسىن قالىپىنا كەلتىرۋ جونىندەگى جول كارتاسى ازىرلەندى.جول كارتاسى جەو-نى الداعى جىلۋ بەرۋ ماۋسىمىنا ۋاقتىلى جانە ساپالى دايىنداۋدى قامتاماسىز ەتەتىن ءىس-شارالاردى جۇزەگە اسىرۋ ءۇشىن قارجىلاندىرۋدىڭ جالپى سوماسى 17,5 ملرد تەڭگەنى قۇرايتىن 5 بلوكقا بولىنگەن.كەڭەس قورىتىندىسى بويىنشا جۇرگىزىلگەن ساراپتاما مەن تالداۋ ناتيجەلەرىن ەسكەرە وتىرىپ, ەنەرگەتيكا ءمينيسترى بولات اقشولاقوۆ ستانتسيا باسشىلىعىنا الداعى جىلىتۋ ماۋسىمىنا جەو-نى ساپالى دايىنداۋعا باعىتتالعان بىرقاتار ناقتى تاپسىرما بەردى.