اقتاۋدا 12 شاعىناۋداندا سالىنىپ جاتقان Aktau Towers تۇرعىن ءۇي كەشەنىنەن ءورت شىقتى, دەپ حابارلايدى Egemen.kz mangystaumedia.kz-كە سىلتەمە جاساپ.
اقتاۋ قالاسى توتەنشە جاعدايلار ءبولىمىنىڭ باس مامانى ازاماتتىق قورعاۋ اعا لەيتەنانتى ماقسات شافاتوۆتىڭ ايتۋىنشا, مو تجد ءورت ءسوندىرۋ جانە اۆاريالىق قۇتقارۋ جۇمىستارىمەن بايلانىس پۋنكىنە ءورت تۋرالى حابار ساعات 10:10 مينۋتتا تۇسكەن.
قۇرىلىستىڭ ءبىرىنشى قاباتى تولىقتاي جانىپ كەتكەن. جانۋ اۋماعى - 150 شارشى مەتر. عيماراتتىڭ جالپى اۋماعى 21 مىڭ شارشى مەتر.
- ءورت سوندىرۋگە دەپارتامەنتتەن 6 تەحنيكا, 12 قىزمەتكەر جۇمىلدىرىلدى. ءورتتىڭ شىعۋ سەبەبى انىقتالىپ جاتىر. زارداپ شەككەندەر جوق, - دەدى اقتاۋ قالاسى توتەنشە جاعدايلار ءبولىمىنىڭ باس مامانى ازاماتتىق قورعاۋ اعا لەيتەنانتى ماقسات شافاتوۆ.