پرەزيدەنتكە بيىلعى ءبىرىنشى توقسانداعى جوعارى اۋديت ورگانى قىزمەتىنىڭ نەگىزگى قورىتىندىلارى, سونداي-اق «جاڭا قازاقستان: جاڭارۋ مەن جاڭعىرۋ جولى» اتتى جولداۋدا بەرىلگەن تاپسىرمالاردىڭ ورىندالۋ بارىسى جونىندە باياندالدى, دەپ حابارلايدى Egemen.kz اكورداعا سىلتەمە جاساپ.
وسى ەسەپتىك كەزەڭدە 345 ميلليارد تەڭگەدەن استام بيۋدجەت قارجىسىن قامتيتىن 14 نىساندا 3 اۋديتورلىق ءىس-شارا جۇرگىزىلگەن. ناتيجەسىندە 30 ميلليارد تەڭگە كولەمىندەگى قارجىعا قاتىستى زاڭ بۇزۋشىلىقتار انىقتالعان. سونىمەن قاتار «تسيفرلىق قازاقستان» مەملەكەتتىك باعدارلاماسىنا دا ارالىق اۋديت جۇرگىزىلگەن.
مەملەكەت باسشىسى بۇگىندە جەتكىلىكتى دارەجەدە ءتيىمدى بولماي وتىرعان «زەردە» ۇلتتىق اقپاراتتىق-كوممۋنيكاتسيالىق حولدينگىن رەفورمالاۋ جونىندە تاپسىرما بەردى.
قاسىم-جومارت توقاەۆ ەسەپ كوميتەتىن جوعارى اۋديتورلىق پالاتا رەتىندە قايتا قۇرۋ جونىندەگى تاپسىرماسىنىڭ ىسكە اسىرىلۋىنا قاتىستى ناتاليا گودۋنوۆانىڭ ۇسىنىسىن تىڭدادى.