ناۋرىز ايىندا ەڭ جوعارى ينفلياتسيا تىركەلگەن

ۇلتتىق بانك دەرەگى بويىنشا, ناۋرىزدا ايلىق ينفلياتسيا 3,7% دەڭگەيىندە, جىلدىق يفنلياتسيا 12% دەڭگەيىندە بولدى. باعانىڭ ءوسۋى ينفلياتسيا كومپونەنتتەرىنىڭ بۇكىل ولشەمدەرى بويىنشا بايقالعان.

«2022 جىلعى ناۋرىزدا تۇتىنۋ باعالارى 3,7%-عا ءوسىپ, 1996 جىلدان باستاپ وسى اي ءۇشىن ەڭ جوعارى ءماندى كورسەتتى. جىلدىق ماندە باعانىڭ 12%-عا دەيىن ءوسۋىنىڭ جەدەلدەۋى بايقالدى (2022 جىلعى اقپاندا – 8,7%). 2022 جىلعى ناۋرىزدا ازىق-ت ۇلىك تاۋارلارى باعاسىنىڭ ءوسۋى جىلدىق ماندە 15,4%-عا دەيىن جەدەلدەدى (2022 جىلعى اقپاندا – 10%)», دەپ جازادى ۇلتتىق بانك ماماندارى.

ال ازىق-ت ۇلىك ەمەس تاۋارلاردىڭ جىلدىق ينفلياتسياسى 10,9%-عا دەيىن جەدەلدەگەن.

«تەڭگە باعامىنىڭ السىرەۋى تاۋارلاردىڭ بارلىق توپتارى بويىنشا باعانىڭ وسۋىنە اسەر ەتتى. ميكروچيپتەردىڭ جەتىسپەۋشىلىگى اياسىندا اۆتوموبيلدەردىڭ قۇنى ءوستى. يمپورتتىق باعانىڭ وسۋىنە بايلانىستى كيىم مەن اياق كيىم مەن ءدارى-دارمەك باعاسىنىڭ ءوسۋى جەدەلدەدى», دەپ جازىلعان ۇلتتىق بانك مالىمەتىندە.

ال اقىلى قىزمەتتەر باعاسىنىڭ جىلدىق ءوسۋ قارقىنى 2022 جىلعى ناۋرىزدا 8,3%-عا دەيىن جىلدامداعان. ۇلتتىق ەكونوميكا ءمينيسترى الىبەك قۋانتىروۆ قازاقستاندىقتارعا قولدا بار اقشاسىن تەڭگە دەپوزيتتەرىندە ساقتاۋعا كەڭەس بەردى.