بۇل تۋرالى قر تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسقار جامباقين ءمالىم ەتتى, دەپ حابارلايدى Egemen.kz.
«قازىرگى گەوساياسي احۋالدى, سونىمەن قاتار وزگە دە تاجىريبەلەرىمىزدى سارالاي كەلە ءوز كۇشىمىزبەن, «ۇلتتىق اقپاراتتىق تەحنولوگيالار» اق-ىمەن جاسايمىز دەپ شەشتىك. بۇل پلاتفورما قازاقستاندىق ءىت-كومپانيالاردىڭ كۇشىمەن جاسالادى. قازىر تەحنيكالىق-ەكونوميكالىق ساراپتاما جاسالىپ جاتىر. جىل سوڭىنا دەيىن ءبىرىنشى سەرۆيستەر دايىن بولادى. جوباعا 2-3 جىلدا كوشەمىز», دەدى ول ورتالىق كوممۋنكاتسيالار قىزمەتىندەگى ءباسپاسوز ءماسليحاتىندا باق وكىلدەرىنىڭ ساۋالىنا وراي.
بۇعان دەيىن قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين سبەربانكپەن اراداعى تسيفرلىق پلاتفورمانىڭ ورنىنا وتاندىق جوبا ىسكە اسىرىلۋى مۇمكىن ەكەنىن ايتقان بولاتىن.
«گەوساياساتتىڭ سالدارىنان ءبىز ءالى شەشىم قابىلداعان جوقپىز. ياعني ودان باس تارتامىز با نەمەسە باسقا تەحنولوگياعا كوشەمىز بە دەگەن ماسەلە پىسىقتالىپ جاتىر. بىراق پالاتفورماعا كوشەتىنىمىز انىق. وسى ورايدا ءوزىمىز جاساعان جۇيە دە بولۋى مۇمكىن. ءبىز ءبىر جىلدىڭ ىشىندە ءتيىستى تالداۋ جۇمىستارىن جۇرگىزدىك. ءوزىمىز جاساعان پلاتفورماعا بەلگىلى ءبىر ۋاقىت پەن قاراجات كەرەك بولادى. تالقىلاۋ اياقتالعان سوڭ, ءبىر ايدىڭ ىشىندە تولىق اقپاراتتى جاريالايمىن», دەگەن ەدى باعدات مۋسين.