دارحان احمەديەۆ قورعانىس ءمينيسترىنىڭ ورىنباسارى لاۋازىمىنا تاعايىندالدى, دەپ حابارلايدى Egemen.kz اقوردا سايتىنا سىلتەمە جاساپ.
«دارحان مەيرام ۇلى احمەديەۆ قازاقستان رەسپۋبليكاسى قورعانىس ءمينيسترىنىڭ ورىنباسارى لاۋازىمىنا تاعايىندالدى», دەلىنگەن جارلىقتا.
دارحان احمەديەۆ قاراعاندى مەملەكەتتىك تەحنيكالىق ۋنيۆەرسيتەتىنىڭ تۇلەگى, «بولاشاق» ستيپەندياسىنىڭ يەگەرى (King's London college).
ەڭبەك جولىن 2012 جىلى «ۇلتتىق اقپاراتتىق تەحنولوگيالار» اق تالداۋشىسى رەتىندە باستاعان. 2013-2015 جىلدارى قر توتەنشە جاعدايلار مينيسترلىگىندە جانە قر ءىىم توتەنشە جاعدايلار كوميتەتىندە ساراپشى بولىپ جۇمىس ىستەگەن. كەيىننەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باس ساراپشىسى لاۋازىمىنا قابىلداندى.2017 جىلدان باستاپ 2019 جىلعا دەيىن قر قورعانىس جانە اەروعارىش ونەركاسىبى مينيسترلىگىنىڭ باسقارما باسشىسى بولىپ جۇمىس ىستەگەن.
2019 جىلى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ەلەكتروندىق ونەركاسىپتى دامىتۋ دەپارتامەنتى ديرەكتورىنىڭ ورىنباسارى بولدى.
2020 جىلى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ءىت دامۋ دەپارتامەنتىنىڭ ديرەكتورى بولىپ تاعايىندالعان.
ءارى قاراي, ۆەدومستۆونىڭ ىشكى قايتا ۇيىمداستىرۋ ناتيجەسىندە 2020 جىلعى 20 قاراشادان باستاپ قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ اقپاراتتىق جانە اقپاراتتىق-كوممۋنيكاتسيالىق تەحنولوگيالاردى دامىتۋ دەپارتامەنتىنىڭ ديرەكتورى بولىپ تاعايىندالعان.