وكق-دا وتكەن ءباسپاسوز كونفەرەنتسياسىندا تسيفرلىق دامۋ جانە اەروعارىش ونەركاسىبى ۆيتسە-ءمينيسترى اسقار جامباكين قازاقستاندىق IT-كومپانيالار تسيفرلىق ۇكىمەتتىڭ وتاندىق پلاتفورماسىن ازىرلەيتىنىن حابارلادى, دەپ جازادى Egemen.kz.
«قازىر گەوساياسي جاعدايعا جانە ءوز رەسۋرستارىمىزدى قايتا قاراۋعا بايلانىستى «ۇات» اق-مەن قازاقستاندىق IT-كومپانيالاردى تارتا وتىرىپ, پلاتفورمانى ءوز كۇشتەرىمەن جاساۋ تۋرالى شەشىم قابىلداندى», دەدى ا. جامباكين.
ونىڭ ايتۋىنشا, قازىرگى ۋاقىتتا پلاتفورماعا تەحنيكالىق-ەكونوميكالىق تالداۋ جۇرگىزىلۋدە.
«بۇل جوباعا 2-3 جىلعا جۋىق ۋاقىت كەتەدى, وسى جىلدىڭ سوڭىنا دەيىن جاڭا پلاتفورمانىڭ العاشقى سەرۆيستەرى ازىرلەنىپ, قولدانىسقا ەنگىزىلەدى», دەپ قوستى ول.
بۇعان دەيىن قازاقستاندا جاڭا تسيفرلىق پلاتفورمانى ەنگىزۋ ءۇشىن رەسەيلىك «سبەر» كومپانياسى تاڭدالعان بولاتىن. كەيىنىرەك قازاقستان ءۇشىن eGov-تى سبەربانك پلاتفورماسىنا اۋىستىرۋ تۋرالى مامىلەدەن باس تارتتى.