بۇگىن تەست تاپسىرۋ كەزىندە الماتى قالاسىنداعى جەكەمەنشىك مەكتەپتەردىڭ بىرىندە ىستەيتىن, 1973 جىلى تۋعان مۇعالىم قايتىس بولدى. ول گيپەرتونيالىق اۋرۋىنا بايلانىستى ەمحانادا ەسەپتە تۇرعان. قازىر سوت-مەديتسينالىق ساراپتاما جۇرگىزىلۋدە, دەپ حابارلايدى Egemen.kz ۇلتتىق تەستىلەۋ ورتالىعىنا سىلتەمە جاساپ.
حابارلامادا قالالىق ءبىلىم ءبولىمىنىڭ وكىلدەرى مارقۇمنىڭ وتباسىنا كوڭىل ايتىپ, قاجەتتى كومەك كورسەتىلەتىنى ايتىلعان.
ۇلتتىق تەستىلەۋ ورتالىعى بۇل سوڭعى 4 جىلداعى ءبىرىنشى رەت بولىپ تۇرعان جاعداي ەكەنىن ايتىپ وتىر. سونىمەن قاتار الداعى ۋاقىتتا تەستىلەۋ ورتالىقتارىندا العاشقى مەديتسينالىق كومەك كورسەتەتىن دارىگەرلەردىڭ جۇمىسىن باقىلاۋ كۇشەيتىلمەك.
ورتالىق سونداي-اق سەرتيفيكاتتاۋ ەرىكتى ەكەنىن اتاپ ءوتتى. مۇعالىمدەر تىركەلىپ, تەستتەن وتسە, بۇرىنعى جالاقىلارىنا قوسىمشا ۇستەمە الادى. قوسىمشا اقى راستالعان بىلىكتىلىك ساناتىنا بايلانىستى تولەنەدى.
«ەسكە سالايىق, دەنساۋلىعى ناشار بولعان جاعدايدا تەستىلەۋ كۇنىن وزگەرتۋگە بولادى», دەدى ۇتو-نان.