كەشكى ۋاقىتتا شاردارا اپب كەزەكشى بولىمىنە تابيعاتتى قورعاۋ پوليتسياسى قىزمەتكەرلەرىنەن شاردارا سۋ قويماسىنداعى رەيدتىك ءىس-شارالار بارىسىندا براكونەرلەردى ۇستاۋ فاكتىسى بويىنشا حابارلاما كەلىپ ءتۇستى, دەپ حابارلايدى Egemen.kz polisia.kz سايتىنا سىلتەمە جاساپ.
وقيعا ورنىنا كەلگەن جەدەل-تەرگەۋ توبىنىڭ قىزمەتكەرلەرى ەكى جەرگىلىكتى تۇرعىننىڭ قىتاي جەلىلەرىنىڭ كومەگىمەن زاڭسىز بالىق اۋلاعانىن انىقتادى. زاتتاي دالەل رەتىندە براكونەرلەردەن رەزەڭكە قايىق, پروجەكتور, ەلەكتر گەنەراتورى, بالىق اۋلاۋ تورلارى, سونداي-اق شامامەن 140 كگ تۇقى, 11 كگ كۇمىس تۇقى جانە 1 كگ كوكسەركە تاركىلەندى. ءتارتىپ ساقشىلارى كۇدىكتىلەردى وقيعانىڭ بارلىق ءمان-جايىن انىقتاۋ ءۇشىن اۋداندىق بولىمگە جەتكىزدى.
قازىرگى ۋاقىتتا اتالعان فاكتى بويىنشا قر قك 335-بابىنىڭ 3-بولىگى «بالىق رەسۋرستارىن, باسقا سۋ جانۋارلارىن نەمەسە وسىمدىكتەرىن زاڭسىز اۋلاۋ» بويىنشا سوتقا دەيىنگى تەرگەۋ جۇرگىزىلۋدە.
ايانا توعانبەك