جكو-دا قازا تاپقاندار مەن جارالانعانداردىڭ تورتتەن ءبىر بولىگى – جاياۋ جۇرگىنشىلەر. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر ءىىم اپك توراعاسى اتىعاي ارىستانوۆ حابارلادى, دەپ جازادى Egemen.kz.
«جاياۋ جۇرگىنشىلەردىڭ كىناسىنەن 88 جكو ورىن الدى, وندا 22 ادام قازا تاپتى, 69-ى جاراقات الدى. ەلدى مەكەندەردە بارلىق جكو-نىڭ 72%-ى نەمەسە 1 860 جكو بولدى. بۇل قازا بولعانداردىڭ 31%-ى جانە زارداپ شەككەندەردىڭ 64%. نازار اۋدارعىم كەلەتىن تاعى ءبىر ماسەلە – بالالاردىڭ قاتىسۋىمەن بولاتىن جول-كولىك وقيعالارى. وكىنىشكە قاراي, بالالاردىڭ قاتىسۋىمەن 465 جكو-عا جول بەرىلدى, وندا 33 بالا قازا تاۋىپ, 592 ادام جاراقات الدى. ادەتتە, بالالار اۋىر جاراقات الادى. كوبىنەسە جول ەرەجەسىن بىلمەۋ نەمەسە ولاردى ەلەمەۋ سالدارىنان جول ءجۇرىس بولىگىندە وينايتىن, بەلگىلەنبەگەن جەرلەردە كوشەنى كەسىپ وتەتىن, كولىك قۇرالدارىنا وتىرۋدى جانە ولاردان ءتۇسۋدى دۇرىس ورىندامايتىن بالالار جول-كولىك وقيعالارىنا كىنالى بولادى», دەدى پولكوۆنيك.
سپيكەر 4 ساۋىردە قىزىلوردا وبلىسىندا ورىن العان وقيعانى مىسالعا الدى. بالا ۆەلوسيپەدپەن جولعا شىعىپ كەتىپ, وقيعا سالدارىنان كوز جۇمعان. سونداي-اق ەلوردادا جولعا جۇگىرىپ شىققان بالانى كولىك قاعىپ كەتكەن.
«تەك پوليتسەيلەر عانا ەمەس, بۇل ماسەلەگە ءبارىمىز دە نازار اۋدارىپ, بالالاردى تاربيەلەپ, ۇيرەتۋىمىز كەرەك», دەدى اتىعاي ارىستانوۆ.