مەملەكەتتىك اۋديتورلار قارجىلىق بۇزۋشىلىقتاردى انىقتادى

ەرۇلان جاماۋباەۆ جىل باسىنان بەرى شامامەن 3,2 ترلن تەڭگە سوماعا 186 مىڭعا جۋىق مەملەكەتتىك ساتىپ الۋ ءراسىمى كامەرالدىق باقىلاۋمەن قامتىلعانىن حابارلادى. ناتيجەسىندە 9912 ءراسىم بويىنشا بۇزۋشىلىقتار انىقتالدى, ونىڭ ىشىندە بۇزۋشىلىقتاردى جويۋ تۋرالى حابارلامالاردىڭ 91%-ى مەملەكەتتىك اۋديت وبەكتىلەرىمەن ورىندالدى.

«500-دەن استام اۋديتورلىق ءىس-شارا وتكىزىلدى. اۋديتپەن 1,5 ترلن تەڭگەگە جۋىق بيۋدجەت قاراجاتى قامتىلدى. 39 ملرد تەڭگەگە قارجىلىق بۇزۋشىلىقتار انىقتالدى. بۇزۋشىلىقتار تاۋارلاردى جەتكىزۋدى قالپىنا كەلتىرۋ, قىزمەتتەر كورسەتۋ جانە جۇمىستاردى ورىنداۋ, بيۋدجەتكە وتەۋ جانە ەسەپكە الۋ بويىنشا كورسەتۋ جولىمەن 33 ملرد تەڭگەگە جويىلدى», دەدى قارجى ءمينيسترى.

ونىڭ ايتۋىنشا اۋديت وبەكتىلەرى قىزمەتىنىڭ تيىمدىلىگىن ارتتىرۋ جانە جەتىلدىرۋ ءۇشىن 400-دەن استام ۇسىنىم بەرىلدى.