قازاقستاندا ساتىلاتىن ويىنشىقتاردىڭ 43,5% سانيتارلىق جانە باسقا دا تالاپتارعا ساي ەمەس بولىپ شىقتى, دەپ حابارلايدى Egemen.kz ەلىمىزدىڭ سانيتارلىق ەپيدەميولوگيالىق باقىلاۋ كوميتەتىنىڭ ءباسپاسوز قىزمەتىنە سىلتەمە جاساپ.
سانيتارلىق ەپيدەميولوگيالىق باقىلاۋ كوميتەتى ەلىمىزدە ساۋدالاناتىن ويىنشىقتاردىڭ ساپاسى مەن ولاردىڭ ءتيىستى تالاپتارعا ساي بولۋىنا ۇدايى مونيتورينگ جۇرگىزىپ وتىر.
مىسالى بيىلعى جىلدىڭ 2 ايىندا سانيتارلىق ەپيدەميولوگيالىق باقىلاۋ كوميتەتىنىڭ وكىلدەرى رەسپۋبليكا بويىنشا 397 ويىنشىق ۇلگىسىن ىرىكتەپ الىپ, زەرتتەگەن. ناتيجەسىندە ىرىكتەلگەن ويىنشىقتاردىڭ 173-ءى تالاپقا ساي ەمەس بولىپ شىقتى.
«بۇل ساۋداداعى جالپى ويىنشىقتاردىڭ 43,5%-ى. ونىڭ ىشىندە, وتاندىق ويىنشىقتار (0,5%), ەاەو - عا مۇشە مەملەكەتتەر وندىرگەن ويىنشىقتار - 16 (9,2%), باسقا ەلدەردىكى 156 (90,1%)», دەيدى ماماندار.
ونىڭ ىشىندە:
1. تاڭبالاۋعا قاتىستى 100%,
2. ورگانولەپتيكالىق كورسەتكىشتەر بويىنشا - 3,4%,
3. سانيتاريالىق-حيميالىق كورسەتكىشتەر بويىنشا - 8% (ويىنشىقتىڭ قۇرامىندا قىتاي مەن وزبەكستان رەسپۋبليكاسىندا وندىرىلگەن ويىنشىقتاردا فەنول, فورمالدەگيد, بەنزول, مەتيل ءسپيرتى, گەپتان دەڭگەيىنىڭ ارتۋى انىقتالدى).
«بالالارعا قاۋىپسىز ەمەس تاۋارلاردى ساتۋمەن اينالىساتىن بارلىق كاسىپكەرلىك سۋبەكتىلەرىنە زاڭبۇزۋشىلىقتاردى جويۋ تۋرالى نۇسقاما بەرىلدى», دەلىنگەن كوميتەت وكىلدەرى تاراتقان اقپاراتتا.
سونداي-اق وندا ساۋدا كاسىپورىندارىندا ەكى ايدا ساتۋدان 3,6 كگ ويىنشىق الىنعانى ايتىلعان.
«ويىنشىقتاردى اركىم ءوز قالاۋىمەن تاڭدايدى. بىرەۋ بەلگىلى ءبىر ءوندىرۋشى كومپانياعا, باسقالارى باعاعا, ال ەندىگىبەرۋىلەرى سىرتقى كەلبەتىنە نازار اۋدارادى. الايدا, ساتىپ الۋ كەزىندە بارلىق اتا-انا ساتۋشىلاردان بىردەي قۋىرشاقتاردىڭ نەمەسە ويىنشىق ماشينالاردىڭ قاۋىپسىزدىگىن راستايتىن قۇجاتتاردى تالاپ ەتپەيدى. ال بالالار ويىنشىقتارى ەڭ الدىمەن زاڭ بويىنشا قاۋىپسىز بولۋى كەرەك. ويىنشىقتاردى ءبىزدىڭ ەلىمىزدىڭ اۋماعىندا ساتپاس بۇرىن كەدەن وداعىنىڭ «ويىنشىقتاردىڭ قاۋىپسىزدىگى تۋرالى» تەحنيكالىق رەگلامەنتىندەگى قاۋىپسىزدىك تالاپتارىنا ساي بولۋى كەرەك», دەيدى ماماندار.