«كەڭ-بۇلۇن» باقىلاۋ-وتكىزۋ پۋنكتىنىڭ شەكاراشىلارى قىرعىزستاننان قازاقستانعا 23,5 كەلى ەسىرتكى الىپ ءوتۋ ارەكەتىنىڭ جولىن كەستى, دەپ حابارلايدى Egemen.kz 24kg سايتىنا سىلتەمە جاساپ.
«كەڭ-بۇلۇن» ءبوپ-نە 38 جاستاعى قىرعىز ازاماتى تىزگىندەگەن DAF XF510 اۆتوكولىگى كەلىپ توقتادى. جۇك كولىگىنىڭ تىركەمەسىن تەكسەرۋ كەزىندە قىزمەتتىك يت بەلگى بەرىپ, شەكاراشىلار ءتىنتۋ جۇرگىزدى.
تىركەمەنىڭ الدىڭعى بولىگىندەگى ەدەن قاپتاماسى اشىلىپ, سوليدولعا مالىنىپ, فولگامەن ورالعان 24 بريكەتى بار ەكى وراما تابىلدى. ولاردىڭ ىشىنەن بەلگىلى ءبىر ءيىسى بار قوڭىر زات شىقتى. الدىن الا اقپارات بويىنشا, بۇل — اۋعان چارسى. ەسىرتكىنىڭ جالپى سالماعى 23,5 كەلىنى قۇرادى.