ساۋد ارابياسى ءۇش جىلدان كەيىن العاش رەت شەتەلدەن كەلەتىندەرگە قاجىلىق جاساۋعا رۇقسات بەردى ءارى سىرتتان كەلۋشىلەر سانىن 1 ميلليون ادامعا دەيىن ارتتىردى, دەپ حابارلايدى Egemen.kz.
ساۋد ءباسپاسوز اگەنتتىگى حابارلاعانداي, كورواۆيرۋسقا قارسى ەكپە العان 65 جاسقا دەيىنگى ادامدارعا بيىل قاجىلىق جاساۋعا رۇقسات ەتىلەدى.
شەتەلدىكتەر ءۇشىن امىرلىككە كەلىپ جەتكەنگە دەيىن 72 ساعات بۇرىن الىنعان COVID-19 تەستىنىڭ انىقتاماسى بولعاندا عانا جارامدى.
قاجىلار دەنساۋلىعى مەن قاۋىپسىزدىگىن ساقتاۋ ءۇشىن ساقتىق شارالارىن ساقتاپ, راسىمدەر كەزىندە پروفيلاكتيكالىق نۇسقاۋلاردى ورىنداۋ كەرەك.