قىزىلوردادا الاياقتارعا الدانعان تۇرعىندار ارىزدانۋدا

قىزىلوردا قالالىق پوليتسيا باسقارماسىنا قالا تۇرعىنى بىلتىر تانىسى نەسيە الۋعا كومەك بەرەمىن دەپ, 2 ملن 300 مىڭ تەڭگەنى الداپ العانى جونىندە ارىز تۇسىرگەن.

سول كۇنى پوليتسياعا الاياقتىق دەرەگى تۋرالى تاعى ءبىر ارىز تۇسكەن.

ءمالىم بولعانىنداي, 2019 جىلدىڭ ناۋرىز-جەلتوقسان ايلارىندا بەلگىسىز ازاماتشا ء«ۇي الۋعا كومەك بەرەمىن» دەپ الداۋ-ارباۋ جولىمەن اقشا جىمقىرعان. كەلتىرىلگەن شىعىن مولشەرى - 8 ميلليون 350 مىڭ تەڭگە.

«جەدەل-ىزدەستىرۋ شارالارىنىڭ ناتيجەسىندە پوليتسيا قىزمەتكەرلەرى بۇرىن سوتتالعان 50 جاستاعى قالا تۇرعىنىن قولعا ءتۇسىردى. اتالعان دەرەكتەر بويىنشا قر قىلمىستىق كودەكسىنىڭ 190-بابىنىڭ 3-بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە. وندا بىرنەشە رەت جاسالعان الاياقتىق جاعدايى كورسەتىلگەن. كۇدىكتىگە قاتىستى ەشقايدا كەتپەۋ جانە ءتيىستى مىنەز-ق ۇلىق تۋرالى قولحات تۇرىندە بۇلتارتپاۋ شاراسى تاڭدالدى», دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.

ەسكە سالساق, بۇدان بۇرىن قىزىلوردادا بوتەن بىرەۋدىڭ اتىنا ونلاين نەسيە راسىمدەگەن 64 الاياق ۇستالعان بولاتىن.