ورال قالاسىندا 72 جاستاعى زەينەتكەر ايەل پىشاق جاراقاتتارىنان قايتىس بولدى. پوليتسيا قىلمىسكەردى انىقتاپ, قاماۋعا الدى, دەپ حابارلايدى Egemen.kz.
بقو پوليتسيا دەپارتامەنتى باستىعىنىڭ ورىنباسارى باقىت اشكاروۆ وقيعا 9 ناۋرىز كۇنى زاچاگان كەنتىندە بولعانىن ايتتى.
قىلمىسكەر زەينەتكەر ايەلدى ءولتىرىپ, كەيىننەن ونىڭ التىننان جاسالعان اشەكەي بۇيىمدارىن ۇرلاپ كەتكەن.
كۇدىكتىنى قولعا ءتۇسىرۋ ماقساتىندا تاجىريبەلى قىزمەتكەرلەردەن جاساقتالعان جەدەل تەرگەۋ توبى قۇرىلدى.
باقىت اشقاروۆتىڭ ايتۋىنشا, وقيعا 13:00-15:00 ارالىعىندا, مەرت بولعان ايەلدىڭ تۇرعىلىقتى جەرىندە ورىن الدى.
«كۇدىكتىنى انىقتاۋ ماقساتىندا قىلمىس بولعان اۋداندا 700-دەن استام ءۇي قارالدى. 21 كۇن ىشىندە 1 مىڭداي ادام سۇزگىدەن وتكىزىلدى. ناقتى دالەلدەمەلەر نەگىزىندە ورال قالاسىندا تۇراتىن 35 جاستاعى ايەل ادام انىقتالىپ, قولعا ءتۇستى. ول بۇرىن سوتتالماعان, ىشكى ىستەر ورگاندارىندا دا ەسەپتە تۇرماعان. كۇدىكتىنىڭ مەكەن-جايىن ءتىنتۋ بارىسىندا قانعا بىلىنعان كيىم, قىلمىس قۇرالى – پىشاق, باسقا دا زاتتى ايعاقتار تابىلدى. قر قىلمىستىق ءىس جۇرگىزۋ كودەكسىنىڭ 128-بابى تارتىبىمەن كۇدىكتى ۇستالىپ, ۋاقىتشا وقشاۋلاۋ يزولياتورىنا قامالدى. كۇدىكتى قىلمىس جاساعانىن مويىنداعان جوق. تۇپكىلىكتى شەشىمدى سوت قابىلدايدى», دەپ ناقتىلادى باقىت اشكاروۆ.