لوندوندا يرلاندىق سۋرەتشى مەري و’كونوردىڭ «شاي جانە سۇحبات» اتتى قازاقستان تۋرالى البومىنىڭ تۇساۋكەسەرى ءوتتى.
قازاقستان رەسپۋبليكاسىنىڭ ۇلىبريتانياداعى ەلشىلىگىندە قازىرگى زامانعى كوركەمونەردىڭ وكىلى يرلاندىق سۋرەتشى مەري و’كونوردىڭ «شاي جانە سۇحبات – ورتالىق ازيا شەتەلدىكتەردىڭ كوزقاراسىمەن» اتتى البومىن تانىستىرۋ ءراسىمى ءوتتى. باسىلىمدا قازاقستان حالقىنىڭ سالت-ءداستۇرى مەن ادەت-عۇرپىنا, مادەني-تاريحي ەسكەرتكىشتەرىنە, ءدىني نىساندارعا ارنالعان اۆتورلىق سۋرەتتەر مەن ءمادەني-رۋحاني مۇرا تۋرالى بىرقاتار ماقالالار, سونىڭ ىشىندە قازاقتىڭ ۇلى ويشىل اقىنى اباي قۇنانباەۆ پەن قازىرگى زامانعى ادەبيەت وكىلدەرى شىعارمالارىنىڭ اۋدارمالارى جارىق كورگەن.
بريتاندىق تاراپ قازاقستان حالقىنىڭ تاريحي-مادەني مۇراسىمەن, زاماناۋي ءۇردىستەر مەن قوعامدىق ۇدەرىستەرمەن تانىستى. باسىلىمنىڭ اۆتورى مەري و’كونور ۇلتتىق بىرلىكتەگى جانە قوعامدىق كەلىسىمدەگى جەتىستىكتەردى جانە بۇل سالاداعى قازاقستاندىق تاجىريبەنى, ءارتۇرلى حالىقتار مەن مادەنيەتتەر اراسىنداعى ءوزارا تۇسىنىستىك نىعايتۋدا جانە تۇراقتاندىرۋدا قازاقستاننىڭ قوسقان ۇلەسىن اسا جوعارى باعالادى.
كىتاپ ساتىلىمىنان تۇسكەن بارلىق قاراجاتتى سۋرەتشى مەري و’كونور بالالار ۇيىندە تۇرىپ جاتقان مۇگەدەك بالالارعا كومەك رەتىندە قازاقستاندىق «دارا» قايىرىمدىلىق قورىنا اۋداردى.
«ەگەمەن-اقپارات».