دەنساۋلىق ساقتاۋ ءمينيسترى اجار عينيات ادامدار كوپ جينالاتىن جەرلەردە ماسكا تاعۋعا كەڭەس بەردى, دەپ حابارلايدى Egemen.kz coronavirus2020.kz سايتىنا سىلتەمە جاساپ.
«قازىر قىتايدا «وميكرونمەن» ناۋقاستانۋ كولەمى ارتىپ جاتقانىن بىلەسىزدەر. بىرقاتار ەۋروپا ەلدەرىندە سىرقاتتانۋ دەڭگەيى ءوسىپ وتىر. سوندىقتان ەلدەگى جاعداي تۇراقتى بولعانىنا قاراماستان, شەكارا ماڭايىندا شەكتەۋلەر سول كۇيىندە قالىپ وتىر. پتر-تەست قورىتىندىسىنسىز, ۆاكتسيناتسيا پاسپورتىنسىز تەك ءوز ازاماتتارىمىز عانا ەمەس, شەتەلدىكتەر دە ەل اۋماعىنا كىرە المايدى», دەدى دەنساۋلىق ساقتاۋ ءمينيسترى.