ەنەرگەتيكا ءمينيسترى بولات اقشولاقوۆ ءماجىلىس كۋلۋارىندا كاسپي قۇبىر كونسورتسيۋمىنداعى اپاتتان كەيىنگى جاعدايدىڭ قالاي بولىپ جاتقانىن ايتتى, دەپ حابارلايدى Egemen.kz.
«ەگەر 10-15 ساۋىرگە دەيىن جوندەۋ جۇمىستارى اياقتالاتىن بولسا, وندا ول ولجاعا ايتارلىقتاي اسەر ەتپەيدى. ەگەر بۇل جۇمىستار تاعى ءبىر ايعا سوزىلسا, سايكەسىنشە, شىعىندار دا بولادى. شىن مانىندە, بىزدە جىل باسىندا اسىرا ورىنداۋ قورى بولعان. سوندىقتان بىزدە ءساۋىر ايىنىڭ ورتاسىنا دەيىن شىعىن بولمايدى دەپ ويلايمىن», دەدى بولات اقشولاقوۆ.
ەسكە سالا كەتسەك, 20 ناۋرىزدا 5 بالدىق داۋىل كەزىندە كۇشتى جەل ءۇش جۇزبەلى شلانگىنىڭ ءبىرىن زاقىمداعان بولاتىن.
كەيىنىرەك كقك داۋىلدان كەيىن ەكىنشى جىلجىمالى ايلاق قۇرىلعىسىنىڭ (ۆپۋ-2) زاقىمدالعانى تۋرالى حابارلادى.