سانكتسيادان قۇتقاراتىن سايت

«رەسەي مەن بەلارۋسقا بىرقاتار ەلدىڭ سانكتسيا ەنگىزۋىنەن كەيىن كاسىپكەرلەر كوپتەگەن ماسەلەگە تاپ بولادى. ماسەلەن, بەلگىلى ءبىر ءونىم نەمەسە بانككە سانكتسيا ەنگىزىلۋى مۇمكىن بە جانە ت.ب. بۇل ماسەلە وسى ەلدەرگە قازاقستاندىق ونىمدەردى ەكسپورت­تاۋدا عانا ەمەس, جالپى وزەكتى بولىپ وتىر. ءبىز بۇكىل الەممەن ەركىن ساۋدا جا­ساي­مىز, ال بىرىڭعاي كەدەندىك ايماق جا­عدايىندا تاۋارلار اعىنى بارىنشا جە­ڭىل­دەتىلگەن. سونداي-اق قازاقستان ارقى­لى رەسەي مەن بەلارۋسكە باعىت­تالعان تاۋارلار كوپتەپ كەلەدى. ەن­دى­گى مىندەتىمىز – رەەكسپورت قاۋپىنە باي­لانىس­تى سانكتسيا سالعان ەلدەردىڭ «ەرەك­شە ناز­ارىنا» ءتۇسىپ قالماۋ», دەپ جازدى ساۋدا جانە ينتەگراتسيا ءمينيسترى باقىت سۇلتانوۆ.

وسى ورايدا كاسىپكەرلەرگە قولايلى بولۋ ءۇشىن پرەمەر-مينيستر توراعا­لىق ەتەتىن جەدەل شتاب بيزنەسكە ار­نالعان «نۇسقاۋلىقتى» قۇرۋ تۋرالى شەشىم قابىلداعان. ول بويىن­شا sanction2022.kz/main سايتى اشى­لىپ وتىر. بۇل جەردە ەلدەر­دەگى گەوساياسي تاۋەكەلدەردىڭ جوعارى ەكەنىن ەسكەرە وتىرىپ, رەسەي نارىعى­نان كەتۋگە شەشىم قابىلداعان حالىقارا­لىق كوم­پانيالاردىڭ ءتىزىمى دە جاريالانعان.

«بۇل كومپانيالاردى قازاقستان­عا تارتۋ تۋرالى ماسەلەگە كەلسەك, قازاق­ستاندا بيزنەس اشۋ جانە جۇرگىزۋ ءۇشىن جاع­داي­لار پوستكەڭەستىك كەڭىستىكتەگى ەڭ قولاي­لىلاردىڭ ءبىرى بولىپ سانالادى. بۇل ءوز كەزەگىندە ناقتى سەكتوردا ينۆەستي­تسيالاردىڭ وسۋىنە جانە جاڭا وندىرىستەردىڭ اشىلۋىنا ىقپال ەتەدى. ال بۇل – مەملەكەت باسشىسىنىڭ ۇكىمەت الدىنا قويعان نەگىزگى مىندەتتەرىنىڭ ءبىرى. سوندىقتان قازاقستاندا ءوز ءوندىرىسىن اشقىسى كەلەتىن كەز كەلگەن كومپانيا ينۆەستورلار ءۇشىن قولجەتىمدى جەڭىلدىكتەردىڭ تولىق سپەكترىن پايدالانا الادى», دەپ تۇسىندىرەدى ب.سۇلتانوۆ.

جاڭا سايتتا رەسەي مەن بەلارۋسكە قا­تىستى سالىنعان سانكتسيالاردىڭ تو­لىق ءتىزىمى, ەو, اقش جانە ۇلىبري­تا­نيا تاراپىنان سالىنعان سانكتسيا­لارعا ۇشى­راعان تاۋارلار ءتىزىمى, رف-دان كەتۋگە شەشىم قابىلداعان حالىقارالىق كوم­پانيالار مەن اقش-تان رەسەيگە ءساندى تاۋار­لاردى ەكسپورتتاۋعا سالىن­عان تى­يىم­دار تولىعىمەن جاريا ەتىلگەن.