قازاقستاندىق گيمناسشى جىگىتتەر ازەربايجان استاناسى – باكۋدە وتكەن الەم كۋبوگىنىڭ كەزەكتى كەزەڭىندە دە ءساتتى ونەر كورسەتىپ, ءبىر التىن, ءبىر كۇمىس مەدال جەڭىپ الدى.
اتاپ ايتقاندا, بۇعان دەيىنگى ءىرى جارىستاردا جۇلدەلى ورىنداردان كورىنىپ جۇرگەن ناريمان قۇربانوۆ «ات» ۇستىندەگى جاتتىعۋ جارىسىندا بارلىق قارسىلاسىن ارتقا تاستاپ, الەم كۋبوگىنىڭ جەڭىمپازى اتاندى. جەرلەسىمىزدىڭ فينالدىق سايىستا توپ جارۋىنا 14,633 ۇپاي جەتكىلىكتى بولدى. ەكىنشى ورىندى 14,466 ۇپاي جيناعان البانيالىق ماتۆەي پەتروۆ يەلەنسە, قولا جۇلدە فرانتسۋز تومماسون سيريلگە (14,333) بۇيىردى. ن.قۇربانوۆ وسىدان ءبىر اي بۇرىن دوحادا (قاتار) وتكەن الەم كۋبوگى كەزەڭىندە دە ۇزدىكتەر قاتارىنان كورىنىپ, التىن مەدال جەڭىپ العان بولاتىن. سول جولى وتانداسىمىز «ات» جاتتىعۋىندا 15,200 ۇپاي جيناعان ەدى.
سونىمەن قاتار باكۋدەگى الەم كۋبوگى كەزەڭىنىڭ فينالىندا ەركىن جاتتىعۋ بويىنشا باق سىناعان ميلاد كاريمي 14,300 ۇپاي جيناپ, كۇمىس جۇلدەگە قول جەتكىزدى. يزرايل سپورتشىسى ارتەم دولگوپيات (14,700) جارىس جەڭىمپازى اتانسا, يرلانديالىق ەيمون مونتگومەري
(14,066) قولا جۇلدەنى قاناعات تۇتتى. ايتا كەتەيىك, م.كاريمي ءبىر اي بۇرىنعى دوحاداعى تۋرنيردە دە كۇمىس جۇلدە يەلەنگەن ەدى.