ءتورت اۋداندا توتەنشە جاعداي جاريالاندى

قازىر وبلىستا سۋ تاسقىنى كەزىندە حالىققا كومەك كورسەتۋگە ارنالعان ۆولونتەرلىك شتاب قۇ­رىلدى. قاراتوبە, جانىبەك, شىڭعىرلاۋ جانە ءبورلى اۋدان­دارىنىڭ ارقايسىندا 30 ادامنان قۇرالعان ۆولونتەرلىك توپتار قىزمەت اتقارۋدا. سونىمەن قاتار ورال قالاسىندا دا 100-دەن استام ەرىكتى كومەك كورسەتۋگە دايىن. شتاب حالىقتان كيىم-كەشەك, تەز بۇزىلمايتىن تاعامدار, دارىلىك جانە جەكە گيگيەنالىق زاتتار جانە باسقا دا العاشقى كەرەك زاتتار­دى قابىلداپ, زارداپ شەككەندەرگە جەتكىزۋدى ۇيىمداستىرۋدا. «اق­جايىق» جەكە قورىنا ەل-جۇرتتان اق­شالاي قارجى دا جينالىپ جاتىر.

«Amanat پارتياسىنىڭ تاراپىنان دەپۋتاتتاردىڭ جانە فيليال قىزمەتكەرلەرىنىڭ كومەگىمەن 4 ءساۋىر كۇنى تاڭعى 9-عا دەيىن 1 199 027 تەڭگە جينالدى» دەپ حابارلادى پارتيا فيليالىنىڭ وكىلى گاۋھار شايحينيازوۆا. ايتا كەتۋ كەرەك, ءماجىلىس دەپۋتاتتارى دا كومەك قولىن سوزعان.

ءساۋىردىڭ 4-ءى كۇنگى تۇسكە دەيىنگى مالىمەت بويىنشا وبلىستا 140 ءۇي, 2 الەۋمەتتىك نىسانعا سۋ كىرىپ, 168 باس مال شىعىن بولعانى حابارلاندى. سۋ باسقان ۇيلەردەن 751 ادام كوشىرىلگەن, ونىڭ 215-ءى – بالالار. ءدال قازىر 6 اۋداندا سۋ تاسقىنىنىڭ الدىن الۋ ءۇشىن 770 ادام, 100-گە جۋىق تەحنيكا جۇمىلدىرىلعان. بۇلاردىڭ ىشىندە ماڭعىستاۋ وبلىسىنان كەلگەن 43 ادام, اتىراۋ وبلىسىنان كەلگەن 49 قۇتقارۋشى بار.

جانىبەك اۋدانى

3 ساۋىردە رەسەي شەكاراسى جاعى­نان دالادان كەلگەن قارعىن سۋ جاق­سى­باي اۋىلىنىڭ 97 ۇيىنە كىرىپ كەتكەن ەدى. قازىر سۋ دەڭگەيى تۇسكەن, بىراق 53 ءۇي ءالى سۋ ىشىندە تۇر. قاۋىپتى جەردەن 639 ادام كوشىرىلگەن. ونىڭ 305-ءى اۋىلداعى ورتا مەكتەپتىڭ ءۇش قاباتتى عيماراتىنا ۋاقىتشا ورنالاستى. ءتىلسىز جاۋدىڭ كەسىرىنەن اۋىلدا 39 سيىر, 68 قوي-ەشكى, 1 جىلقى ولگەن. قازىر حالىققا ماتەريالدىق زارداپ شىعىندارىن قالاي ەسەپتەۋ كەرەكتىگى جونىندە زاڭ تالاپتارى ءتۇسىندىرىلىپ جاتىر. وسى اۋداننىڭ تالوۆ اۋىلىندا دا 2 ءۇي سۋ ىشىندە قالعان ەدى. مۇندا تۇراتىن 8 ادام دا قاۋىپسىز جەرگە ورنالاستىرىلدى. جاقسىباي اۋىلىندا تۇراتىن اياعى اۋىر ەكى كەلىنشەك «قازاۆياقۇتقارۋ» مەكەمەسىنىڭ تىكۇشاعىمەن قاۋىپسىز جەرگە كوشىرىلدى.

شىڭعىرلاۋ اۋدانى

شىڭعىرلاۋ وزەنىنىڭ دەڭگەيى 3 ساۋىردە قاۋىپتى شەككە دەيىن كوتە­رى­لىپ, اقشات اۋىلىنداعى 7 ءۇيدى باسىپ قالۋ قاۋپى ءتوندى. جەدەل قۇم سالىنعان قاپشىقتارمەن بوگەلىپ, كەزەكشىلىك ۇيىمداستىرىلدى. سۋ اعى­نىنا كەدەرگى بولعان مۇز ويى­لىپ, اۋىلداعى 50 سيىر, 50 جىل­قى, 39 قوي-ەشكى قاۋىپسىز جەرگە اي­دال­عان. اۋدان اۋماعىنداعى شىڭعىرلاۋ-شوقتىباي, شىڭ­عىرلاۋ-تالدىساي دالا جول­دا­رى­نىڭ, الماز اۋىلىنا كىرەبەرىس بوگەت-كوپىردىڭ بۇزىلعانىن بۇرىن حابارلاعان ەدىك. بۇل جولداردى قالپىنا كەلتىرۋ تاسقىن قاۋپى سەيىل­گەن سوڭ قولعا الىنادى. الماز اۋى­لىندا قۇلاعان قورانىڭ استىندا 15 ۋاق جاندىق (قوي-قوزى) ولگەن. سۋ باسقان تۇرعىن ءۇي جوق.

قاراتوبە اۋدانى

قوسكول اۋىلدىق وكرۋگىنە قاراستى شالعىن اۋىلىندا بولعان تابيعي اپات تۋرالى بۇدان بۇرىن حابارلادىق. ەرىگەن قار سۋى مەن ءشيلى وزەنى دەڭگەيىنىڭ كوتەرىلۋىنەن اۋىلدا 29 ءۇي, مەكتەپ پەن دارىگەرلىك امبۋلاتوريا سۋعا كەتتى. 45 قوي-ەشكى ءولدى. قازىر سۋ اقىرىن شەگىنىپ كەلەدى. اۋىلدان 96 ادام, سونىڭ ىشىندە 50 بالا ورال قالاسىنا, قوسكول اۋىلىنا كوشىرىلدى. 3 ءساۋىر كۇنى اۋدان ورتالىعى قاراتوبە كەنتىندە دە قالدىعايتى وزەنى كۇرت كوتەرىلىپ, شەتكى ۇيلەردى سۋ باسۋ قاۋپى تونگەن. بۇل جەرگە كەزەكشىلىك ۇيىم­داستى­رىلىپ, جاعالاۋ 3 مىڭ قاپشىق قۇممەن, توپىراقپەن بەكىتىلدى. وقيعا ورنىندا جەرگىلىكتى توتەنشە جاعداي مەكەمەسىنىڭ قىزمەتكەرلەرى جاعدايدى كۇنى-ءتۇنى باقىلاۋدا ۇستاپ وتىر.

ءبورلى اۋدانى

3 ساۋىردە كۇنى تۇندە كەڭتۇبەك اۋىل­دىق وكرۋگىنە قاراستى باقتىارال اۋىلىن شىڭعىرلاۋ وزەنىنىڭ سۋى باسىپ قالا جاز­دا­عانىن بۇدان بۇرىن دا حا­بار­لاعان ەدىك. قاۋىپ تون­گەن تۇرعىن ۇيلەردەن 20 ادام قا­ۋىپ­سىز جەرگە شىقتى. كەزەكشىلىك ۇيىمداستىرىلىپ, قاۋىپتىڭ بەتى قايتتى. ماسايتوبە اۋىلى ماڭىندا بوگەلگەن مۇز سەڭىن توتەنشە جاعداي قىزمەتكەرلەرى بۇزىپ, ەلدى مەكەنگە تونگەن قاۋىپتى سەيىلتتى.

تاسقالا اۋدانى

تاسقالا اۋدانىندا سۋ باسۋ قاۋپى بار جەرلەر قۇم سالىنعان قاپشىقتارمەن بەكىتىلىپ, سۋ جولدارى قار مەن كولدەنەڭ زاتتاردان تازارتىلىپ جاتىر. جەدەل شتابتىڭ مالىمدەۋىنشە, قازىر 1 100 قاپ قۇم قويىلىپ, 2 560 تەكشە مەتر سۋ سورىلعان. دەڭگەيى كۇننەن-كۇنگە كوتەرىلىپ كەلە جاتقان دەركول وزەنى ۇنەمى باقىلاۋدا.

تەرەكتى اۋدانى

3 ساۋىردە كەشكىسىن تەرەكتى اۋدانىندا رەسپۋبليكالىق ماڭىزى بار ورال-ورىنبور اۆتوجولىنىڭ ءبىر بولىگىن ەرىگەن قار سۋى باستى. «قازاقاۆتوجول» مەكەمەسىنىڭ قىز­مەت­كەرلەرى كۇشىمەن جول جيەگى ينەر­تتى ماتەريالدارمەن, قۇم سا­لىن­عان قاپتارمەن بەكىتىلىپ, جول قوزعالىسنا نۇقسان كەلمەدى. سۋ اعۋى 4 ءساۋىر كۇنى تۇندە توقتادى.

P.S. وڭىردەگى نەگىزگى سۋ قويمالارى, وزەن-كول دەڭگەيى ۇدايى باقىلاۋدا. اسىرەسە تاسقالا مەن بايتەرەك اۋداندارى, ورال قالاسىنىڭ ماڭى ەرەكشە نازاردا. ايتا كەتەيىك, اتالعان سولتۇستىك اۋدانداردىڭ قارى ەندى-ەندى ەري باستادى. «قازگيدرومەت» مەكەمەسىنىڭ حابارلاۋىنشا, وبلىستىڭ كوپ جەرىندە جاڭبىر جاۋادى. اۋا تەمپەراتۋراسى تۇندە 5-10, كۇندىز 10-15 گرادۋس جىلىلىقتى كورسەتىپ تۇر. كۇن رايىن بولجاۋشىلار 2-6 ءساۋىر ارالىعىندا وزەن-كولدەردىڭ دەڭگەيى كوتەرىلەدى دەپ ەسكەرتىپ وتىر.

باتىس قازاقستان وبلىسى