ساۋدا-ساتتىق قورىتىندىسى بويىنشا, 1 ساۋىردە تەڭگەنىڭ نارىقتىق باعامى ءبىر اپتادا 4,4%-عا (494,16 تەڭگەدەن) نىعايىپ, ءبىر اقش دوللارى ءۇشىن 472,56 تەڭگە دەڭگەيىندە قالىپتاستى, دەپ حابارلايدى Egemen.kz ۇلتتىق بانككە سىلتەمە جاساپ.
دامۋشى نارىقتار ۆاليۋتالارىنىڭ سەرپىنى كوبىنە وڭ بولدى. سىرتقى ۆاليۋتا نارىعىندا ماڭىزدى بىرقاتار وقيعا ورىن الدى. رەسەي مەن ۋكراينا كەلىسسوزدەرى ونلاين فورماتتا جالعاسۋدا, ەكى جاق تا بارلىق تاراپ بويىنشا ىلگەرىلەۋ بارىن اتاپ ءوتتى. اقش-تىڭ ستراتەگيالىق قوردان تاۋلىگىنە 1 ملن باررەل مۇناي جىبەرگىسى كەلەتىنى, سونداي-اق ۇڭعىمالار سانىن كوبەيتۋ تۋرالى مالىمدەمەسىنەن كەيىن مۇناي تەرىس سەرپىن كورسەتۋىن جالعاستىرۋدا.
دامۋشى ەلدەردە اقش دوللارىنا قاتىستى ۆاليۋتالار باعامىنىڭ سەرپىنى تومەندەگىدەي قالىپتاستى:
رەسەي رۋبلى رەسەي-ۋكراينا كەلىسسوزدەرىندەگى ىلگەرىلەۋ, رف-نىڭ گاز جەتكىزىلىمىنە رۋبلمەن اقى تولەۋ تالابىن ەنگىزۋ جانە رف ورتالىق بانكىنىڭ كاپيتالدى اكەتۋگە شەكتەۋ قويۋى اياسىندا 16,5%-عا (102,29-دان 85,42-گە دەيىن) نىعايدى; برازيليا رەالى سىرتتان اكەلىنگەن شەتەلدىك كاپيتالدىڭ اسەرىمەن 1,7%-عا (4,74-تەن 4,66-عا دەيىن) نىعايدى; تۇرىك ليراسى س. كاۆچيوگلىنىڭ قارجى جۇيەسىن ليرالاندىرۋ ارقىلى باعانى تۇراقتاندىرۋعا تىرىساتىنى تۋرالى سويلەگەن سوزىنەن سوڭ 1%-عا (14,84-تەن 14,69-عا دەيىن) نىعايدى; مەكسيكا پەسوسى اقش قازىناشىلىق وبليگاتسيالارى كىرىستىلىگىنىڭ تومەندەۋىنەن 0,9%-عا (20,03-تەن 19,85-كە دەيىن) نىعايدى; ءۇندى رۋپياسى مۇناي باعاسى تومەن بەلگىلەنگەندىكتەن 0,6%-عا (76,21-دەن 75,79-عا دەيىن) نىعايدى; يندونەزيا رۋپياسى كورسەتكىشتەردىڭ 2-4% نىسانالى ارالىقتا بولۋىنا قاراماستان, ينفلياتسيانىڭ ەكى جىلدىق ەڭ جوعارى شەگىنە (تۇتىنۋ باعاسى 2,64%-عا ۇلعايدى) دەيىن قارقىن الۋى اياسىندا 0,2%-عا (14346-دان 14370-كە دەيىن) السىرەدى; وڭتۇستىك افريكا راندى قارجى ءمينيسترى ە. گودونگۆاننىڭ ستراتەگيالىق مۇناي قورلارىن ساتۋ ەسەبىنەن وتىن باعاسىن كەزەڭ-كەزەڭىمەن كوتەرۋ ماقساتىندا وتىنعا سالىناتىن جالپى سالىقتى تومەندەتۋ ء(بىر ليتر ءۇشىن 1,5 راندقا) تۋرالى مالىمدەمەسى اياسىندا 0,8%-عا (14,54-تەن 14,66-عا دەيىن) السىرەدى. سۋرەتتى ۇلكەيتۋ