قر ەگترم ەكولوگيالىق رەتتەۋ جانە باقىلاۋ كوميتەتى قر پارلامەنتى ءماجىلىسىنىڭ دەپۋتاتتارىمەن بىرىگىپ اقمولا وبلىسى تسەلينوگراد اۋدانى قوسشى قالاسىنىڭ تايتوبە كەنتى تۇرعىندارىمەن ەلدى مەكەن ماڭىنداعى رۇقسات ەتىلمەگەن قوقىس ءۇيىندىسى بويىنشا كەزدەسۋ ۇيىمداستىردى, دەپ جازادى Egemen.kz ەكولوگيا, گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتىنە سىلتەمە جاساپ.
جەرگىلىكتى تۇرعىندار تسەلينوگراد اۋدانى اۋماعىندا زاڭداستىرىلعان قتق پوليگونىنىڭ جوقتىعىنا الاڭداۋلى. سونداي-اق, نۇر-سۇلتان قالاسى مەن قوسشى قالالارىنان قالدىقتاردى الىپ كەتىپ, ماڭايعا زاڭسىز قالدىرادى. سوندىقتان رۇقسات ەتىلمەگەن قوقىستار مەن ءورت پايدا بولادى, بۇل قورشاعان ورتاعا تەرىس اسەر ەتەدى.
بۇگىنگى تاڭدا ەكولوگيا مينيسترلىگى جوسپار كەستەسىن بەكىتتى, وعان سايكەس جەرگىلىكتى اكىمدىك ستيحيالىق قوقىس ورىندارىن جويۋدى جۇزەگە اسىرادى. ماسەلەن, «قازاقستان عارىش ساپارى» اق عارىشتىق سۋرەتتەرىنە سايكەس تسەلينوگراد اۋدانىنىڭ اۋماعىندا وتكەن جىلى 316 رۇقسات ەتىلمەگەن قوقىس ءۇيىندىسى انىقتالدى, ونىڭ 65% - دان استامى جويىلدى.
جۇرتشىلىقپەن كەزدەسۋگە قر ەگترم ەكولوگيالىق رەتتەۋ جانە باقىلاۋ كوميتەتى توراعاسىنىڭ ورىنباسارى ەربولات قوجىقوۆ, قر پارلامەنتى ءماجىلىسىنىڭ ەكولوگيا ماسەلەلەرى جونىندەگى دەپۋتاتتارى احمەتوۆ ءمادي مەن سكاكوۆا ايجان, اقمولا وبلىسى بويىنشا ەكولوگيا دەپارتامەنتىنىڭ وكىلى ارىستانبەك تاسقىنباەۆ, قوسشى قالاسى اكىمدىگىنىڭ, ەكولوگيالىق پوليتسيانىڭ وكىلدەرى جانە باسقا دا مۇددەلى تۇلعالار قاتىستى.
اتالعان فاكتى بويىنشا تسەلينوگراد اۋدانىنىڭ اكىمدىگىمەن تايتوبە كەنتىنىڭ جانىنداعى پوليگوندى قالپىنا كەلتىرۋگە 100 ملن تەڭگەدەن استام قاراجات ءبولىندى. جوبانى جەرگىلىكتى اتقارۋشى ورگان كەلىسكەننەن كەيىن جۇمىستار باستالادى. سونداي-اق, اۋماقتا شلاگباۋم جانە بەينەباقىلاۋ ورناتىلادى.
كەزدەسۋ سوڭىندا قوعامدىق كەڭەستىڭ كۇن تارتىبىنە ەلورداعا شەكارالاس ەلدى مەكەندەردە قتق پوليگوندارىن سالۋ ماسەلەسىن ەنگىزۋ تۋرالى شەشىم قابىلداندى. سونداي-اق, قر ەكولوگيا, گەولوگيا جانە تابيعي رەسۋرستار ءمينيسترى س.ا. برەكەشەۆتىڭ اقمولا وبلىسىنا الداعى ساپارى كەزىندە ءتيىستى شەشىمدى تالقىلاۋ جانە قابىلداۋ تاپسىرىلدى.