نۇر-سۇلتان قالاسى «ۇلتتىق ساراپتاما ورتالىعى» شجق رمك فيليالىنىڭ قىزمەتكەرى 8 جىلعا سوتتالدى. ول قوعامدىق تاماقتانۋ ورىندارىنان اقشا الىپ كەلگەن, دەپ حابارلايدى Egemen.kz.
«30 ناۋرىزدا نۇر-سۇلتان قالاسى الماتى اۋدانىنىڭ №2 اۋداندىق سوتىمەن دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ نۇر-سۇلتان قالاسى «ۇلتتىق ساراپتاما ورتالىعى» شجق رمك فيليالىنىڭ قىزمەتكەرىنە قاتىستى 8 جىلعا باس بوستاندىعىنان ايىرۋ جازاسى تاعايىندالعانى جايىندا ۇكىم جاريالاندى.
ول نۇر-سۇلتان قالاسىنىڭ كاسىپكەرلىك سۋبەكتىلەرىنەن قوعامدىق تاماقتانۋ سالاسىندا اقشا قاراجاتىن الۋ فاكتىسى بويىنشا, پاندەميا كەزەڭىندە اكىمشىلىك جاۋاپكەرشىلىكتەن جالتارعانى ءۇشىن كىنالى دەپ تانىلدى», دەلىنگەن قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز حابارلاماسىندا.
ۇكىمدى جاريالاۋ سوتتالۋشى ۇجىمىنىڭ, سونداي-اق دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتى قىزمەتكەرلەرىنىڭ قاتىسۋىمەن بەينەكونفەرەنتسبايلانىس ارقىلى ءوتتى.
2021 جىلدان باستاپ الدىن الۋ شاراسى رەتىندە قىزمەتكەرلەرى سىبايلاس جەمقورلىق قۇقىق بۇزۋشىلىقتارىن جاسادى دەپ ايىپتالعان مەملەكەتتىك قىزمەتكەرلەر ۇجىمدارىنىڭ سوت وتىرىستارىنا قاتىسۋ پراكتيكاسى ەنگىزىلدى.
ۇكىم زاڭدى كۇشىنە ەنگەن جوق.