سارسەنبى كۇنى كەشكە شري-لانكاداعى ەنەرگەتيكالىق داعدارىسقا بايلانىستى كولومبودا جۇزدەگەن ادام نارازىلىق شەرۋىن وتكىزىپ, پوليتسيامەن قاقتىعىسقان, دەپ حابارلايدى Egemen.kz Aljazeera-عا سىلتەمە جاساپ.
كولومبودا 13 ساعاتتان بەرى جارىق جوق. نارازىلىق بىلدىرۋشىلەر پرەزيدەنت گوتابايا رادجاپاكسانىڭ ءۇيىنىڭ الدىنا جينالىپ, پلاكاتتار كوتەرىپ, ۇراندار ايتتى.
پوليتسيا نارازىلىق بىلدىرۋشىلەردى تاراتۋعا تىرىستى, سودان كەيىن جينالعاندار پوليتسياعا بوتەلكەلەر مەن تاس لاقتىردى.
پوليتسيا شەرۋشىلەردى تاراتۋ ءۇشىن كوزدەن جاس اعىزاتىن گاز, تاياقتار مەن سۋ اتقىشتارىن قولدانعان.
شري-لانكا حالقى ازىق-ت ۇلىك پەن قاجەتتى زاتتار باعاسىنىڭ كۇرت كوتەرىلۋىن, جانارماي مەن گاز تاپشىلىعىن باستان وتكەردى, ويتكەنى ەل تاۋەلسىزدىك العاننان بەرگى ەڭ ناشار ەكونوميكالىق قۇلدىراۋمەن كۇرەسىپ كەلەدى.