وسى جىلدىڭ قاڭتار ايىندا قازاقستاننىڭ قىتايمەن تاۋار اينالىمى 1,4 ملرد اقش دوللارىنا جەتتى. بۇل ءبىر جىل بۇرىنعى كورسەتكىشپەن سالىستىرعاندا 53,4% ارتىق. قر تاۋار اينالىمى قۇرىلىمىنداعى قىتايدىڭ ۇلەسى 16,1% قۇرادى, دەپ حابارلايدى Egemen.kz finprom.kz-كە سىلتەمە جاساپ.
وسى جىلدىڭ ءبىرىنشى ايىندا قىتايعا ەكسپورت كولەمى يمپورت كولەمىنەن اسىپ ءتۇستى. ەكسپورت ءبىر جىلدا بىردەن 77,9%, ياعني 771,7 ملن اقش دوللارىنا جەتتى. قر-دان ەكسپورتتىڭ بارلىق كولەمىنەن قىتايدىڭ ۇلەسى 12,7% قۇرادى.
يمپورت ءوز كەزەگىندە 31,8%, ياعني 648,5 ملن اقش دوللارىنا ارتتى. قر-داعى يمپورتتىڭ جيىنتىق كولەمىندەگى اسپان استى ەلىنىڭ ۇلەسى 23,8% قۇرادى.
قاراجاتتىڭ كوپ بولىگىن قىتايلىق ينۆەستورلار قر وڭدەۋ ونەركاسىبى سالاسىنا: 2,8 ملرد اقش دوللارىن جۇمسادى.
تانىمال سالالاردىڭ ىشىندە كولىك جانە قويمالاۋ (2,6 ملرد اقش دوللارى, جىلىنا مينۋس 21,5%) جانە ساۋدا مەن اۆتوجوندەۋ (2,1 ملرد اقش دوللارى, پليۋس 20,3%) بار.
2022 جىلدىڭ 1 ناۋرىزىنا قاراي ەلدە قىتايدىڭ قاتىسۋىمەن جۇمىس ىستەپ تۇرعان 1,5 مىڭ كومپانيا بار - بۇل ءبىر جىل بۇرىنعىعا قاراعاندا 17,4% كوپ.