قازاقستاننىڭ ۋكرايناداعى ەلشىلىگى قازىرگى كەزدە رەپاترياتسيا ۇشاقتارىمەن ازاماتتاردى ەۆاكۋاتسيالاۋ اياقتالعانىن حابارلادى, دەپ حابارلايدى Egemen.kz ەلشىلىكتىڭ Telegram-ارناسىنا سىلتەمە جاساپ.
«قۇرمەتتى قازاقستان رەسپۋبليكاسىنىڭ ۋكرايناداعى ازاماتتارى, قازاقستان رەسپۋبليكاسىنىڭ ۋكرايناداعى ەلشىلىگى 2022 جىلعى 28 ناۋرىزداعى جاعداي بويىنشا كاتوۆيتسە قالاسىنان (پولشا) جەتى ەۆاكۋاتسيالىق رەيس ورىندالعانىن حابارلايدى. ۋكراينادان 900 قازاقستان ازاماتى ەۆاكۋاتسيالانىپ, ولاردىڭ 743-ءى قازاقستانعا ورالدى. قازىرگى كەزدە ازاماتتاردى رەپاترياتسيا ۇشاقتارىمەن ەۆاكۋاتسيالاۋ اياقتالدى. جابىق ەلدىمەكەندەردە قالىپ قويعان جانە كورسەتىلگەن رەيستەرمەن ۋكراينادان شىعا الماعان ازاماتتاردىڭ وتىنىشتەرى جەكە تارتىپتە قارالادى», دەلىنگەن ەلشىلىك حابارلاماسىندا.
ەسكە سالا كەتەيىك, 28 ناۋرىزدا كاتوۆيتسە قالاسىنان بورتىندا قازاقستان ازاماتتارى بار جەتىنشى رەپاترياتسيالىق رەيس ۇشتى.
سونداي-اق, قر توتەنشە جاعدايلار مينيسترلىگى الماتىدان پولشانىڭ كاتوۆيتسە قالاسىنا ۋكراينا ازاماتتارى ءۇشىن گۋمانيتارلىق كومەكتىڭ كەزەكتى پارتياسى سالىنعان ارنايى رەيس ۇيىمداستىردى.