ەكولوگيا, گەولوگيا جانە تابيعي رەسۋرستار مينيسترلىگى ءۇي جانۋارلارى مەن تۇرعىن ۇيلەردە ۇستاۋعا تىيىم سالىنعان جانۋارلاردىڭ تىزبەسىن بەكىتتى, دەپ حابارلايدى Egemen.kz.
اتاپ ايتقاندا, تىيىم سالىنعان جانۋارلاردىڭ تىزىمىنە مىنالار كىردى:
شاياندار; ورمەكشىلەر; جىلاندار; كەسىرتكەلەر (ۋلى تىستىلەر مەن كومودو كەسىرتكەسى); بارلىق تۇردەگى قولتىراۋىندار; جىرتقىشتار (ايۋلار, ارىستاندار, بارىستار, پۋمالار, قاسقىرلار جانە ت. ب.); پريماتتار; قر-دا سيرەك كەزدەسەتىن جانە قۇرىپ كەتۋ قاۋپى بار جانۋارلارىنىڭ بارلىق تۇرلەرى.جانۋار يەسىنىڭ ەرەكشە جاۋاپكەرشىلىگىن قاجەت ەتەتىن ءۇي جانۋارلارىنىڭ تىزىمىنە كەلەسى تۇرلەر كىردى: امەريكاندىق اكيتا, دوبەرمان, دالماتين, چاۋ-چاۋ, حاسكي, شارپەي, روتتۆەيلەر, ستاففوردشير تەرەرى, قويشى يتتەر, مىسىق تۇقىمداسىنىڭ جابايى تۇرلەرى بار ءۇي مىسىقتارىنىڭ بۋداندارى جانە ت. ب.
جانۋارلاردىڭ تولىق ءتىزىمىن مىنا قۇجاتتان كورۋگە بولادى.
بۇيرىق 2022 جىلعى 8 ساۋىردەن باستاپ قولدانىسقا ەنگىزىلەدى.